আন্তঃৰাষ্ট্ৰীয় মঞ্চত উজলিল অসমৰ ছাত্ৰ। শিলচৰৰ নৱম শ্ৰেণীৰ প্ৰতিভাৱান ছাত্ৰ নিৰ্মাল্য ৰায়ে শেহতীয়াকৈ অনুষ্ঠিত হোৱা ছিংগাপুৰ আন্তঃৰাষ্ট্ৰীয় গণিত অলিম্পিয়াড চেলেঞ্জ-২০২৫ত অসাধাৰণ সফলতা লাভ কৰি দুটাকৈ ৰূপৰ পদক জয় কৰিবলৈ সক্ষম হয়।
বৰ্তমান নিৰ্মাল্য দিল্লী পাব্লিক স্কুলৰ ছাত্ৰ আৰু শিলচৰৰ ড° কালাম ইনষ্টিটিউট অব্ চাইন্স এণ্ড এডুকেচনৰ ছাত্ৰ। ছিংগাপুৰ আন্তঃৰাষ্ট্ৰীয় গণিত অলিম্পিয়াড চেলেঞ্জ-২০২৫ প্ৰতিযোগিতাৰ অন্তিম ৰাউণ্ডৰ বাবে ভাৰতৰ পৰা মুঠ ৩২গৰাকী ছাত্ৰ-ছাত্ৰী নিৰ্বাচিত হৈছিল আৰু তাৰ ভিতৰত নিৰ্মাল্য অন্যতম।
প্ৰায় ৩৪খন দেশৰ প্ৰায় ২৫০০ ছাত্ৰ-ছাত্ৰীয়ে ছিংগাপুৰ আন্তঃৰাষ্ট্ৰীয় গণিত অলিম্পিয়াড চেলেঞ্জ-২০২৫ত অংশগ্ৰহণ কৰে। ইয়াৰ ভিতৰত ভাৰতৰ পৰা অহা ৩২গৰাকী অংশগ্ৰহণকাৰীৰ ভিতৰত শিলচৰৰ একমাত্ৰ প্ৰতিনিধি নিৰ্মাল্য। এই কৃতিত্ব ড° কালাম ইনষ্টিটিউটে লাভ কৰা প্ৰথমটো আন্তঃৰাষ্ট্ৰীয় পদকো।
