বছৰটোৰ আটাইতকৈ ভাল খবৰ : হিমা দাসলৈ ২০১৮ বৰ্ষৰ অৰ্জুন বঁটা

২০১৮ বৰ্ষৰ অৰ্জুন বঁটাৰ বাবে নিৰ্বাচিত হ’ল অসমৰ হিমা দাস। দেশৰ নৱতম ট্ৰেকৰাণী তথা ক্ৰীড়াত এই বছৰটোতে দেশক কেইবাটাও বিৰল সন্মান আনি দিয়া ২০ বছৰীয়া হিমাৰ শিৰত দেশৰ ক্ৰীড়াবিদৰ বাবে আগ বঢ়োৱা এই গৌৰৱ মুকুট নিশ্চিত হোৱাৰ খবৰে আপ্লুত কৰি তুলিছে সমগ্ৰ ৰাজ্যবাসীক।

হিমা হ’ল অৰ্জুন বঁটাৰে সন্মানিত হোৱা পঞ্চমগৰাকী ক্ৰীড়াবিদ। ইয়াৰ পূৰ্বে অৰ্জুন ভোগেশ্বৰ বৰুৱা (দৌৰবিদ), মনালিছা বৰুৱা মেহতা (সাঁতোৰবিদ), জয়ন্ত তালুকদাৰ (ধনুৰ্বিদ), শিৱ থাপা (বক্সাৰ)ই এই বঁটা লাভ কৰিছিল।

উল্লেখযোগ্য যে শেহতীয়াকৈ যোৱা মাহত ইণ্ডোনেছিয়াত অনুষ্ঠিত এছিয়ান গেইমছত হিমা দাসে দেশৰ হৈ ট্ৰেকত তিনিটাকৈ পদক জয় কৰিছিল।

মহিলাৰ ৪০০ মিটাৰত ৰূপৰ পদক, মিক্সড ৰিলেইত ৰূপৰ পদক আৰু ৪x৪০০ মিটাৰৰ ৰিলেই দৌৰত স্বৰ্ণ পদক লাভ কৰিছিল।

আনহাতে আজি ঘোষিত খেলৰত্ন বঁটা লাভ কৰিছে ক্ৰিকেটাৰ বিৰাট কোহলি আৰু মণিপুৰী বক্সাৰ মীৰাবাই চানুৱে।