অসমত নিজামুদ্দিনৰ সৈতে সম্পৰ্ক নথকা প্ৰথমটো COVID-19 আক্ৰান্তৰ ঘটনা পোহৰলৈ আহিছে।
তেওঁ গুৱাহাটীৰ বিলাসী এপাৰ্টমেন্ট স্পেনিছ গাৰ্ডেনৰ বাসিন্দা আৰু অলপতে নতুন দিল্লীৰ পৰা উভতি আহিছিল।
জানিব পৰা মতে, তেওঁ দিল্লীৰ পৰা ২৫ দিন পূৰ্বে গুৱাহাটীলৈ উভতি আহিছিল।
তদুপৰি, ১৪ দিনত তেওঁৰ দেহত ধৰা পৰা নাছিল সংক্ৰমণৰ কোনো লক্ষণ ৷
কিন্তু লক্ষণ দেখা দিয়াৰ পাছতেই সৰুসজাইৰ কোৱাৰেণ্টাইন কক্ষত ৰখা হৈছিল লোকজনক। শেহতীয়া পৰীক্ষাত তেওঁৰ দেহত কৰণা ভাইৰাছৰ অৱস্থিত ধৰা পৰে ৷
বৰ্তমান তেওক এম এম চি এইচত ভৰ্তি কৰা হৈছে ।
ইতিমধ্যে স্বাস্থ্য বিভাগৰ লোক স্পেনিছ গাৰ্ডেনত উপস্থিত হৈ কোৱাৰেন্টাইন প্ৰক্ৰিয়া আৰম্ভ কৰিছে।
এইদৰে অসমত বৰ্তমান ২৪ জনলৈ বৃদ্ধি পালে কৰ’না আক্ৰান্ত ৰোগীৰ সংখ্যা ৷
শেহতীয়াভাৱে নতুনকৈ আক্ৰান্ত ৪ জনৰ ৩ জনেই নিজামুদ্দিনৰ সৈতে জড়িত।
ইয়াৰ বিপৰীতে অসমত নিজামুদ্দিনৰ মাৰ্কাজৰে সৰ্ম্পক নথকা প্ৰথমজন আক্ৰান্ত হৈছে কৰ’না ভাইৰাছৰত।
