উত্তৰাখণ্ডৰ হৰিদুৱাৰত অনুষ্ঠিত ষষ্ঠ ছাত্ৰ অলিম্পিক ৰাষ্ট্ৰীয় খেল ২০১৯-২০ৰ উশ্বু খেলত অসমক প্ৰতিনিধিত্ব কৰি ছয়গাঁও আৰু বকোৰ ৭ গৰাকী ছাত্ৰ-ছাত্ৰীয়ে সমগ্ৰ দক্ষিণ কামৰূপৰ লগতে অসমলৈ গৌৰৱ কঢ়িয়াই আনিবলৈ সক্ষম হয়।
প্ৰতিযোগিতাখনত ৭ গৰাকী ছাত্ৰ-ছাত্ৰীৰ ভিতৰত ৬ গৰাকীয়ে সোণৰ পদক অৰ্জন কৰে।
৬৫ কেজি শাখাত ছয়গাঁও মহাবিদ্যালয়ৰ ছাত্ৰী লীনা কলিতাই সোণৰ পদক, বকো জৱাহৰলাল নেহৰু মহাবিদ্যালয়ৰ ফ্ৰনাছিচ বড়ো আৰু ৰাহুল বড়োৱে সোণৰ পদক, বামুণীগাঁও শংকৰদেৱ শিশু নিকেতনৰ চয়নিকা মণ্ডলে সোণৰ পদক, বকো ডনবস্ক’ স্কুলৰ জুন মুন বড়োই সোণৰ পদক আৰু বামুণীগাঁও জাতীয় বিদ্যালয়ৰ যুগজ্যোতি ৰাভাই সোণৰ পদক পোৱাৰ বিপৰীতে বামুণীগাঁও হাইস্কুলৰ দীপ্তিমণি বড়োৱে ৰূপৰ পদক লাভ কৰে।
উল্লেখ্য যে এই ১৭ আগষ্টৰ পৰা ১৯ আগষ্টলৈ এই প্ৰতিযোগিতাখন অনুষ্ঠিত হৈছিল।
প্ৰতিযোগিতাখনলৈ যোৱা অসমৰ দলটোৰ নেতৃত্বত আছিল আন্তঃৰাষ্ট্ৰীয় খেলুৱৈ তথা ৰাষ্ট্ৰীয় গৌৰৱ বঁটাৰে সন্মানীত ছয়গাঁৱৰ ভূৰ্কিবাৰীৰ মনোজ কুমাৰ দাস।
