বিগত পাঁচ বছৰত ৰাজ্যখনৰ বিকাশৰ কথা একাষৰীয়াকৈ থৈ অন্তত: নিজৰ পৰ্বতসম বিকাশৰ দাবী কৰিব পাৰে এইকেইগৰাকী মন্ত্ৰীয়ে। অসম চৰকাৰৰ এনে এগৰাকী মন্ত্ৰীৰ সম্পত্তিৰ পৰিমান যোৱা পাঁচ বছৰত বৃদ্ধি হৈছে ৩৪৯ শতাংশ।
অসম চৰকাৰৰ এনেদৰে সম্পত্তিৰ পৰিমান বৃদ্ধি পোৱা ছয়গৰাকী মন্ত্ৰী হৈছে নব দলে, ৰঞ্জিত দত্ত, অতুল বৰা, কেশৱ মহন্ত, যোগেন মহন আৰু সঞ্জয় কিষান।
অহা ২৭ মাৰ্চত অনুষ্ঠিত হ’বলগীয়া প্ৰথম পৰ্যায়ৰ নিৰ্বাচন এই ছয়গৰাকী মন্ত্ৰীয়েও প্ৰতিদ্বন্দ্বিতা কৰিব।
মনোনয়ন পত্ৰৰ সৈতে দাখিল কৰা শপতনামাত উল্লেখ কৰা অনুসৰি মন্ত্ৰী নব দলেৰ সম্পত্তি যোৱা পাঁচ বছৰত ৩৪৯ শতাংশ বৃদ্ধি পাইছে। নব দলেপ বৰ্তমান মুঠ সম্পত্তিৰ পৰিমান হৈছে প্ৰায় ২৫.৫২কোটি টকা।
শপতনামাত নব দলেই ঘোষণা কৰিছে যে তেওঁৰ ৬,১৫,১৪,৬১৭ কোটিৰ অস্থাৱৰ সম্পত্তি আৰু ১৯,৩৭,৬৪,০০০কোটি টকাৰ স্থাৱৰ সম্পত্তি আছে।
২০১৬ চনত দলে ঘোষণা কৰা মতে তেওঁৰ সম্পত্তি আছিল ৭,৩০,০০,৩৫৫কোটি টকাৰ। দলেই ঢকুৱাখনা সমষ্টিৰ পৰা বিজেপি প্ৰাৰ্থী হিচাপে প্ৰতিদ্বন্দ্বিতা আগবঢ়াব।
অসম গণ পৰিষদৰ সভাপতি তথা ৰাজ্যখনৰ কৃষিমন্ত্ৰী অতুল বৰাৰ সম্পত্তি যোৱা পাঁচ বছৰত ১.২৬কোটি চকা বৃদ্ধি পাইছে। মনোনয়ন পত্ৰৰ সৈতে দাখিল কৰা শপতনামাত বৰাই ঘোষণা কৰিছে যে তেওঁৰ অস্থাৱৰ সম্পত্তিৰ পৰিমান হৈছে ২,৩৬,৯৯,৩৮৯কোটি টকা আৰু অস্থাৱৰ সম্পত্তিৰ পৰিমান হৈছে ১,৩১,৮৯,৫০০কোটি টকা।
২০১৬ত অতুল বৰাই ঘোষণা কৰিছিল যে তেওঁৰ মুঠ সম্পত্তিৰ পৰিমান আছিল ২,৪২,৪৪,৪২৪কোটি টকা। অতুল বৰাই বোকাখাত সমষ্টিৰ পৰা প্ৰতিদ্বন্দ্বিতা আগবঢ়াব।
অগপৰ আন এগৰাকী মন্ত্রী কেশব মহন্তই ঘোষণা কৰিছে যে তেওঁৰ মুঠ সম্পত্তিৰ পৰিমান ৩,৪৫,৩৪,৫২৪কোটি টকা। যোৱা পাঁচ বছৰত তেওঁৰ সম্পত্তিৰ পৰিমান বৃদ্ধি পাইছে ২০৩শতাংশ।
কলিয়াবৰ বিধানসভা সমষ্টিৰ পৰা প্ৰতিদ্বন্দ্বিতা কৰিবলগীয়া কেশৱ মহন্তই প্ৰকাশ কৰা মতে তেওঁ অস্থাৱৰ সম্পত্তিৰ পৰিমান হৈছে ১,৯২,৮৪,৫২৪ কোটি টকা আৰু অস্থাৱৰ সম্পত্তিৰ পৰিমান হৈছে ১,৫২,৫০,০০০ কোটি টকা।
বিহালী সমষ্টিৰ পৰা প্ৰতিদ্বন্দ্বিতা কৰিবলগীয়া ৰাজ্যখনৰ জলসিঞ্চন মন্ত্ৰী ৰঞ্জিত দত্তৰ মুঠ সম্পত্তিৰ পৰিমান হৈছে ৬,০২,৭৮,৪৯৬কোটি টকা। বিগত পাঁচ বছৰত তেওঁৰ সম্পত্তিৰ পৰিমান ৩.৭০কোটি টকা বৃদ্ধি পাইছে।
মাহমৰা সমষ্টিৰ পৰা প্ৰতিদ্বন্দ্বিতা কৰিবলগীয়া মন্ত্ৰী যোগেন মহনে ঘোষণা কৰা মতে তেওঁৰ মুঠ সম্পত্তিৰ পৰিমান ১,৩৩,৬১,৫২৬কোটি টকা। তেওঁ দাখিল কৰা শপতনামা অনুসৰি যোৱা পাঁচ বছৰত তেওঁৰ সম্পত্তিৰ পৰিমান বৃদ্ধি পাইছে ২৪১ শতাংশ।
মনোনয়ন পত্ৰৰ সৈতে দাখিল কৰা শপতনামাত উল্লেখ কৰা অনুসৰি যোগেন মহনৰ অস্থাৱৰ সম্পত্তিৰ পৰিমান হৈছে ৫৬,৬১,৫২৬ লাখ টকা আৰু অস্থাৱৰ সম্পত্তিৰ পৰিমান হৈছে ৭৭ লাখ টকা।
২০১৬চনত যোগেন মহনে ঘোষণা কৰা মতে তেওঁৰ মুঠ সম্পত্তিৰ পৰিমান আছিল ৫৫,২৬,১০৩লাখ টকা।
সেইদৰে, আন এগৰাকী মন্ত্ৰী সঞ্জয় কিষানৰ সম্পত্তি যোৱা পাঁচ বছৰত ২৭৪শতাংশ বৃদ্ধি পাইছে। কিষানৰ তেওঁৰ শপতনামাত উল্লেখ কৰা মতে তেওঁৰ মুঠ সম্পত্তিৰ পৰিমান ৫৫,৩৫,৯৫৮ লাখ টকা।
এইদৰেই আমাৰ জনপ্ৰতিনিধিৰ ব্যক্তিগত বিকাশে বিজেপি চৰকাৰখনৰ সবকা চাথ সবকা বিকাশৰ শ্ল’গানকে সাৰ্থক কৰি তোলা বুলি কটাক্ষ কৰিছে বিভিন্নজনে।
