‘অভাৰচিজ ফ্ৰেণ্ডছ অৱ বিজেপি’ সংগঠনৰ অষ্ট্ৰেলিয়া শাখাৰ অন্যতম প্ৰতিষ্ঠাপক বালেশ ধনখড়ক কোৰিয়াৰ পাঁচগৰাকী মহিলাক ধৰ্ষণৰ অপৰাধত ৪০ বছৰৰ কাৰাদণ্ড বিহা হৈছে।
ৰাষ্ট্ৰীয় সংবাদ মাধ্যম দ্য ৱায়াৰে প্ৰকাশ কৰা অনুসৰি ধনখড়ৰ বিৰুদ্ধে ধৰ্ষণৰ ১৩টা, ধৰ্ষণ কৰিবলৈ চেষ্টা কৰাৰ উদ্দেশ্যেৰে মাদক পদাৰ্থ প্ৰয়োগ কৰাৰ ছটা অভিযোগ, সন্মতি অবিহনে অন্তৰংগ ভিডিঅ’ ৰেকৰ্ডিং কৰাৰ ১৭টা আৰু অশ্লীল আক্ৰমণৰ তিনিটা অভিযোগ আছে। মুঠতে ২০১৮ চনৰ জানুৱাৰীৰ পৰা অক্টোবৰৰ ভিতৰত সংঘটিত হোৱা বুলি অভিযোগ উত্থাপন হোৱা ৩৯টা অপৰাধৰ অভিযোগত ধনখড়ক অভিযুক্ত কৰা হৈছিল।২০২৩ চনৰ এপ্ৰিল মাহত ছিডনীৰ জুৰীয়ে তেওঁক ৩৯টা অভিযোগৰ আটাইকেইটাৰ ভিতৰত দোষী বুলি ঘোষণা কৰিছিল।
খবৰ অনুসৰি ধনখৰে তেওঁৰ এপাৰ্টমেণ্টৰ ওচৰতে থকা ছিডনীৰ হিল্টন হোটেলৰ বাৰত কোৰিয়ানৰ পৰা ইংৰাজীলৈ অনুবাদৰ কামৰ বাবে তেওঁৰ চাকৰিৰ বিজ্ঞাপনৰ উত্তৰ দিয়া মহিলাসকলক লগ পাইছিল। তেওঁ মহিলাসকলক ড্ৰাগছ খুৱাই একেখন হোটেলতে ধৰ্ষণ কৰিছিল আৰু অপৰাধৰ চিত্ৰগ্ৰহণ কৰিছিল। তদন্তকাৰীয়ে তেওঁৰ এপাৰ্টমেণ্টত চিত্ৰগ্ৰহণ কৰা ৰেকৰ্ডিঙৰ বিপুল প্ৰমাণ পাইছিল।
জিলা আদালতৰ ন্যায়াধীশ মাইকেল কিঙে কয় যে, ৯নিউজৰ মতে তেওঁ নিউ চাউথ ৱেলছৰ কোনো ধৰণৰ অপৰাধৰ পৰিসৰ বিচাৰি উলিয়াব পৰা নাই।
বিজেপি আৰু প্ৰধানমন্ত্ৰী নৰেন্দ্ৰ মোদীৰ সৈতে ধনখড়ৰ ঘনিষ্ঠতাক অষ্ট্ৰেলিয়াৰ সংবাদ মাধ্যমে লক্ষ্য কৰিছে। ৯নিউজে প্ৰকাশ কৰা অনুসৰি, ২০১৮ চনত গ্ৰেপ্তাৰ নোহোৱালৈকে ধনখড় ভাৰত-অষ্ট্ৰেলিয়ান সম্প্ৰদায়ৰ মাজত অতিশয় সন্মানীয় আছিল, প্ৰধানমন্ত্ৰী নৰেন্দ্ৰ মোদীৰ দলৰ এটা চেটেলাইট গ্ৰুপ প্ৰতিষ্ঠা কৰিছিল আৰু অষ্ট্ৰেলিয়াৰ হিন্দু কাউন্সিলৰ মুখপাত্ৰ হিচাপে কাম কৰিছিল।
২০১৪ চনত ছিডনীত মোডীৰ অভ্যৰ্থনাৰ আয়োজনত ‘বিজেপিৰ বহিঃৰাজ্যৰ বন্ধু’ই গুৰুত্বপূৰ্ণ ভূমিকা গ্ৰহণ কৰা বুলি জানিব পৰা গৈছে।মাৰ্চ মাহত যেতিয়া ধনখৰৰ অপৰাধৰ খবৰ প্ৰথমবাৰৰ বাবে পোহৰলৈ আহিছিল, তেতিয়া সংগঠনটোৱে টুইট কৰিছিল যে ২০১৮ চনত ধনখৰে পদত্যাগ কৰিছে।
