যোগাসন প্ৰদৰ্শনৰ সময়ত বাবা ৰামদেৱ হাতীৰ পিঠিৰ পৰা পৰি যোৱা এটা ভিডিঅ’ ছ’চিয়েল মিডিয়াত ভাইৰেল হৈ পৰিছে।
হাতীৰ পিঠিত উঠি যোগ অভ্যাস প্ৰদৰ্শন কৰি থকাৰ সময়তে ৰামদেৱ দুৰ্ভাগ্যবশত হাতীৰ পিঠিৰ পৰা মাটিলৈ পৰি যায়।
ভিডিঅ’ ক্লিপটোত দেখুওৱা অনুসৰি, ৰামদেৱে খোজকাঢ়ি থকা হাতীৰ পিঠিত উঠি যোগাসন কৰি আছিল আৰু হাতীটোৱে লৰচৰ কৰাৰ ফলত ৰামদেৱৰ নিয়ন্ত্ৰণত ব্যঘাত হয় আৰু ৰামদেৱ মাটিলৈ সৰি পৰে।
উত্তৰপ্ৰদেশৰ মথুৰাৰৰ এখন আশ্ৰমত ৰামদেৱে তেওঁৰ অনুগামী সকলক যোগাসন শিকাই থকাৰ সময়তে ৰামদেৱে হাতীৰ পিঠিৰ পৰা পৰি যায়।
Ramdev does yoga on elephant .. FALLS ??????????
pic.twitter.com/6RbuHDzXZq— Niraj Bhatia (@bhatia_niraj23) October 13, 2020
ৰামদেৱৰ এই ভিডিঅ’টো ছ’ছিয়েল মিডিয়াত ভাইৰেল হৈ পৰাৰ পাছতে ছ’চিয়েল মিডিয়া ব্যৱহাৰকাৰী সকলে ৰামদেৱক বিভিন্ন ধৰণে ট্ৰ’ল কৰা দেখা গৈছে।
একাংশই ৰামদেৱৰ আসন খহি পৰিল বুলিও ছ’চিয়েল মিডিয়াত মন্তব্য কৰে।
উল্লেখযোগ্য যে, যোগগুৰু বাবা ৰামদেৱে ভাৰতৰ বিভিন্ন স্থানত যোগৰ শিক্ষা প্ৰদান কৰি আহিছে।