এখন বিদ্যালয়ত ছাত্ৰ-ছাত্ৰীৰ বাবে খিচিৰি বনাই মাহে ১৫০০ টকা উপাৰ্জন কৰা এগৰাকী মহিলা নিশাৰ ভিতৰতে হৈ পৰিল কোটিপতি।
নিশাৰ ভিতৰতে কোটিপতি হোৱা মহিলগৰাকী হৈছে মহাৰাষ্ট্ৰৰ অমৰাৱতীৰ ববিতা টাড়ে। ববিতাই বিগ বি অমিতাভ বচ্চনৰ মেগা শ্ব’ ‘কৌন বনেগা ক্ৰৌড়পতি-১১’ত অংশ গ্ৰহণ কৰি ছিজনটোৰ দ্বিতীয়গৰাকী ক্ৰৌড়পতিৰ খিতাপ দখল কৰবিলৈ সক্ষম হয়।
ছনি টিভিৰ ইনষ্ট্ৰাগ্ৰামত শ্বেয়াৰ কৰা এটা ভিডিঅ’ত ববিতা টাড়ে ক্ৰৌড়পতি হোৱা আৰু ববিতাৰ জীৱন সংগ্ৰামৰ কিছু অংশ দেখা গৈছে।
কোটিপতি হ’বলৈ সক্ষম হোৱা ববিতা টাড়েৰ জীৱন সংগ্ৰামেৰে ভৰা। ববিতাই অমৰাৱতী এখন বিদ্যালয়ত ছাত্ৰ-ছাত্ৰীৰ বাবে খিচিৰি বনাই।
ভিডিঅ’টোত দেখিবলৈ পোৱা যায় যে বিগ বি অমতিাভ বচ্চনে ববিতাক মাহিলী কিমান দৰমহা লাভ কৰে বুলি সোধা এক প্ৰশ্নৰ উত্তৰত মহিলাগৰাকীয়ে মাহে ১৫০০ টকা লাভ কৰে বুলি উল্লেখ কৰে। ববিতাৰ এই উত্তৰত বিগ বি অমিতাভ বচ্চন আচৰিত হৈ পৰে।
উল্লেখযোগ্য যে বিগ বি অমিতাভ বচ্চনৰ ‘কৌন বনেগা ক্ৰৌড়পতি-১১’ৰ প্ৰথমজন ক্ৰৌড়পতি আছিল বিহাৰৰ সনোজ ৰাজ।
