শত্ৰু ৰাষ্ট্ৰ আৰু মুক্তিকামী সংগঠনৰ আক্ৰমণত যেন থৰহৰি কঁপিবলৈ ধৰিছে পাকিস্তান। ভাৰতৰ অপাৰেচন সিন্দূৰ আক্ৰমণত কম্পমান পাকিস্তানত ভয়ংকৰ আক্ৰমণ সংঘটিত কৰিছে বেলুচিস্তান লিবাৰেশ্যন আৰ্মীয়ে চমুকৈ বিএলএ। সংগঠনটোৱে প্ৰকাশ কৰা এটা ভিডিঅ’ অনুসৰি বেলুচিস্তানৰ কাছি জিলাত কৰা আক্ৰমণত অতি কমেও নিহত হৈছে পাকিস্তানী সেনা। সংগঠনটোৱে প্ৰকাশ কৰা অনুসৰি এটা ইম্প্ৰভাইজড বিস্ফোৰক যন্ত্ৰ (আই ই ডি)ৰ বিস্ফোৰণ ঘটাই এই আক্ৰমণ সংঘটিত কৰিছিল।
ইপিনে পাকিস্তান সেনাৰ এক বিবৃতিৰ উদ্ধৃতিৰে সংবাদ সংস্থা পিটিআইয়ে কয় যে, ‘কাছি জিলাৰ অসামৰিক এলেকাত বেলুচিস্তান লিবাৰেচন আৰ্মীয়ে পাকিস্তানী নিৰাপত্তাৰক্ষীৰ বাহন এখনক ইম্প্ৰভাইজড বিস্ফোৰক যন্ত্ৰৰে আক্ৰমণ কৰে। বিস্ফোৰণত সেনাবাহিনীৰ বাহনখন ধ্বংস হোৱাৰ লগতে তাত থকা ১৪জন জোৱানৰ আটাইকেইজন জোৱানৰ মৃত্যু হয়। পাকিস্তানৰ নিৰাপত্তা বাহিনীয়ে কাচ আৰু জিয়াৰাট জিলাত সংঘটিত দুটা পৃথক অভিযানত বেলুচিস্তানত ১০ জন বিদ্ৰোহীক হত্যা কৰাৰ কিছুদিন পিছতে এই আক্ৰমণ সংঘটিত হৈছে।
ইয়াৰ পূৰ্বেও বেলুচিস্তান লিবাৰেশ্যন আৰ্মীয়ে অনুৰূপ কেইবাটাও আক্ৰমণ সংঘটিত কৰিছিল। যোৱা মাৰ্চ মাহত বিদ্ৰোহী সংগঠনটোৱে ৪৪০ জন যাত্ৰীৰে কুৱেটাৰ পৰা পেছাৱৰলৈ যোৱা যাত্ৰীবাহী ৰেল জাফ্ফাৰ এক্সপ্ৰেছ হাইজেক কৰিছিল। এই ঘটনাত ২১ জন সাধাৰণ নাগৰিক আৰু ৪ জন জোৱানৰ মৃত্যু হৈছিল।
উল্লেখ্য যে, প্ৰায় ২০ বছৰ ধৰি পাকিস্তানৰ বেলুচিস্তান অবিৰতভাৱে অশান্তজৰ্জৰ হৈ আহিছে। বেলুচ জনগোষ্ঠীয় সংগঠনে পাকিস্তানৰ ফেডাৰেল চৰকাৰে অঞ্চলটোৰ ন্যায্য ক্ষতিপূৰণ বা উন্নয়ন অবিহনে প্ৰদেশখনৰ প্ৰাকৃতিক সম্পদ শোষণ কৰাৰ অভিযোগ উত্থাপন কৰিছে।
পাকিস্তান অধীৰ্কৃত কাশ্মীৰত ভাৰতে সন্ত্ৰাসবাদী আন্তঃগাঁথনিত আক্ৰমণ চলোৱাৰ এদিন পিছতে বিএলএৰ এই আক্ৰমণ সংঘটিত হৈছে। ভাৰতীয় প্ৰতিৰক্ষা সূত্ৰই প্ৰকাশ কৰা অনুসৰি এই অভিযানত সীমা অতিক্ৰম কৰি আক্ৰমণৰ বাবে ব্যৱহাৰ কৰা উগ্ৰপন্থী সংগঠনে ব্যৱহাৰ কৰা শিবিৰসমূহক লক্ষ্য কৰি লোৱা হৈছিল। এই ধৰ্মঘটসমূহ নিখুঁতভাৱে কৰা হৈছিল আৰু ভৱিষ্যতে অনুপ্ৰৱেশৰ প্ৰচেষ্টা ৰোধ কৰাৰ লক্ষ্য আছিল।
ভাৰতৰ আক্ৰমণৰ পিছত নিয়ন্ত্ৰণ ৰেখা আৰু পাকিস্তানৰ ভিতৰত পৰিস্থিতি উত্তেজিত হৈয়েই আছে। কাছি জিলাত পাকিস্তানী সৈন্যৰ ওপৰত বেলুচিস্তান লিবাৰেশ্যন আৰ্মীৰ আক্ৰমণে পাকিস্তানৰ নিৰাপত্তাৰ দিশটোৱে থাউনি নোপাৱৰ দৰে অৱস্থা হৈছে। দুয়োটা আক্ৰমণৰ মাজত কোনো আনুষ্ঠানিক সম্পৰ্ক নাথাকিলেও এই দুই আক্ৰমণে পাকিস্তানৰ নিৰাপত্তা ব্যৱস্থাক ঘটিয়ে ঘটিয়ে পানী খোৱাইছে বুলি পাৰি।
