বৰ্তমান দক্ষিণ আফ্ৰিকাত চলি থকা ১৯ অনুৰ্দ্ধৰ যুৱ বিশ্বকাপ ক্ৰিকেটৰ ছেমি ফাইনেলত বৃহস্পতিবাৰে নিউজিলেণ্ডক পৰাজিত কৰি ফাইনেলত প্ৰৱেশ কৰিছে বাংলাদেশে।
ইপিনে, আনখন ছেমিফাইনেলত পাকিস্তানক হৰুৱাই ইতিমধ্যে ফাইনেলত প্ৰৱেশ কৰিছে ভাৰত।
এতিয়া যুৱ বিশ্বকাপৰ ফাইনেলত ভাৰত-বাংলাদেশৰ মাজতেই হ’ব এইবাৰৰ বিশ্ব চেম্পিয়নৰ যুঁজখন।
বৃহস্পতিবাৰে নিউজিলেণ্ডক বাংলাদেশে একপ্ৰকাৰ বিধ্বস্ত কৰে।
দুৰ্দান্ত শতকেৰে বাংলাদেশৰ বিজয়ৰ নায়ক অৱশ্যেই মামুদুল হাছান। হাছানে ১২৭ টা বল খেলি ১৩ টা চাৰিৰে ১০০ ৰাণৰ সুন্দৰ ইনিংছ উপহাৰ দিয়ে।
তদুপৰি, তোহিদ হৃদয় আৰু ছাদাত হুছেইনে ৪০ ৰাণকৈ কৰে।
প্ৰথমে বেট ধৰিবলৈ ক্ৰীজত নামি আৰম্ভণিতেই বিপৰ্যয়ৰ সন্মুখীন হয় নিউজিলেণ্ডৰ দলটো। দলৰ ষাঠি ৰাণতে ৩টা উইকেটৰ পতন ঘটে।
ইয়াৰ পাছতো দলক আগবঢ়াই নিয়ে হুইলাৰ গ্ৰিনলে। নিক লীডষ্টোনৰ সৈতে তেওঁ ৬৭ ৰাণৰ যুটী বান্ধে। লীডষ্টোন আউট হোৱাৰ পাছৰে পৰাই নিউজিলেণ্ডে নিয়মিতভাৱে উইকেট হেৰুৱায়।
অৱশেষত নিৰ্দিষ্ট ৫০ অভাৰত ৮টা উইকেটৰ বিনিময়ত নিউজিলেণ্ডে ২১১ ৰাণত ইনিংছ সামৰে। গ্ৰিনলে ৭৫ ৰাম কৰি অপৰাজিত হৈ থাকে। বাংলাদেশৰ হৈ শ্বৰিফুল ইছলামে সৰ্বাধিক ৩টা উইকেট দখল কৰে।
জয়ৰ লক্ষ্য অনুসৰণ কৰি বাংলাদেশেও প্ৰথমতে সমস্যাৰ সন্মুখীন হ’বলগীয়া হয়। দলৰ ৩২ ৰাণৰ ভিতৰতে দুটা উইকেট হেৰুৱাব লগী হয়।
কিন্তু মামুদুল হাছানৰ নায়কোচিত বেটিঙৰ সহায়ত বাংলাদেশে ৩৫ টা বল বাকী থকা অৱস্থাতে ৬ উইকেটত বিজয় সাৱ্যস্ত কৰে।
