হাইলাকান্দিত BSFৰ গুলীত বাংলাদেশৰ গৰুচোৰ নিহত
হাইলাকান্দিৰ ভাৰত-বাংলাদেশ সীমান্তত শুকুৰবাৰে নিশা সীমান্ত সুৰক্ষা বাহিনী চমুকৈ BSFৰ গুলীত এজন বাংলাদেশী ব্যক্তি নিহত হৈছে। জানিব পৰা মতে নিহত লোকজন এজন গৰু সৰবৰাহকাৰী।
উক্ত লোকজন উপৰি গুলীচালনাত আন দুজন ব্যক্তিও গুৰুতৰভাৱে আঘাতপ্ৰাপ্ত হয়। নিহত লোকজনৰ ঘৰ বাংলাদেশৰ মৌলবী বজাৰ জিলাৰ বৰলেখা থানাৰ অন্তৰ্গত নতুন ডীমাই গাঁৱত বুলি জানিব পৰা গৈছে।
অৱশ্যে বাতৰি লিখা পৰ্যন্ত তেওঁ নাম জানিব পৰা হোৱা নাই।
প্ৰাপ্ত তথ্য মতে, নিশা সীমান্ত পাৰ হ’বলৈ লওঁতেই উক্ত ঘটনা সংঘটিত হয়। লোকজনৰ সৈতে ১৫/২০ জনীয়া এটা দলে ফুলকান্দি এলাকাত সীমান্ত অতিক্ৰম কৰিবলৈ লওঁতে BSFৰ জোৱানে বাধা দিয়াত তেওঁলোকে লগত থকা দাৰে আক্ৰমণ কৰাৰ চেষ্টা কৰিছিল।
পিছত দলটোক ৰুধিবৰ বাৱে সীমান্ত সুৰক্ষা বাহীনিয়ে গুলীচালনা কৰাত উক্ত লোকজনৰ বুকুত গুলী লগাত থিতাতে মৃত্যু হোৱাৰ লগতে আন দুজন আহত হয়।