সাজু থাকক; এই মাহত ১১ দিন বন্ধ থাকিব বেংক, নৱেম্বৰতো বন্ধ থাকিব ৭ দিন
যোৱা কেইদিনমান পূৰ্বৰে পৰা উৎসৱৰ বতৰ আৰম্ভ হোৱাৰ পাছতে অক্টোবৰ মাহ আজিৰ পৰা আৰম্ভ হৈছে। চলিত মাহতেই পৰিবহন বিভাগৰ লগতে বেংকৰ কাম কাজতো কিছু সালসলনি ঘটোৱা হৈছে।
পিচে, এই সকলোবেৰৰ মাজতে আপোনাৰ বাবে ডাঙৰ খবৰটো হৈছে অক্টোবৰ মাহত ১১ দিনৰ বাবে বেংকৰ কামকাজ বন্ধ থাকিব।
মাহটোত দুৰ্গা পূজা, দশেৰা আৰু দীপাৱলীৰ দৰে উৎসৱ আছে। সেয়েহে নিজৰ বিত্তীয় ব্যৱস্থাৰ পৰিকল্পনা আপুনি এতিয়াই কৰি ল’ব লাগিব যাতে উৎসৱৰ সময়ত কোনো অসুবিধাৰ সৃষ্টি নহয়।
অহা ২ অক্টোবৰ বুধবাৰে গান্ধী জয়ন্তী উপলক্ষে বেংক বন্ধ থাকিব। এইটো মাহটোৰ প্ৰথমটো বন্ধ। ইয়াৰ পাছতে ৭ আৰু ৮ অক্টোবৰ ৰাম নৱমী তথা বিজয়া দশমী বা দশেৰাৰ বন্ধ থাকিব।
ইয়াৰ পূৰ্বে ৬ অক্টোবৰ দেওবাৰ হোৱাৰ বাবে বেংক একেৰাহে ৩ দিনৰ বাবে বন্ধ থাকিব।
ইয়াৰ পাছতে ৩ দিনৰ বাবে বেংক খোলাৰ পাছত ১২ অক্টোবৰ মাহটোৰ দ্বিতীয়টো শনিবাৰ আৰু ১৩ অক্টোবৰ দেওবাৰ হোৱাৰ বাবে সপ্তাহটোত দুদিন বেংক বন্ধ থাকিব। সেইদৰে ২০ অক্টোবৰো দেওবাৰ হোৱাৰ বাবে বেংক বন্ধ থাকিব।
দীপাৱলীত বেংক ৪ দিনৰ বাবে বন্ধ থাকিব। ইয়াৰ ভিতৰত ২৬ অক্টোবৰ মাহটোৰ চতুৰ্থটো শনিবাৰ আৰু ২৭ অক্টোবৰ দেওবাৰ হোৱা বাবে বেংক বন্ধ থাকিব। দীপাৱলী এইবাৰ দেওবাৰেই পৰিছে।
আনহাতে, ২৯ অক্টোবৰত ভাতৃ দ্বিতীয়া আৰু ২৮ অক্টোবৰত গোবৰ্দ্ধন পূজাৰ বন্ধ থাকিব।
ইপিনে, অহা নৱেম্বৰ মাহৰ ৩,১০,১৭ আৰু ২৪ নৱেম্বৰ দেওবাৰ আৰু ৯ আৰু ২৩ অক্টোবৰ মাহৰ দ্বিতীয় আৰু চতুৰ্থ শনিবাৰ হোৱা বাবে বেংক বন্ধ থাকিব।
২৪ নৱেম্বৰত গুৰু নানক জয়ন্তীৰ বাবে বেংকসমূহ বন্ধ থাকিব।