প্ৰয়াত প্ৰাক্তন মুখ্যমন্ত্ৰী তৰুণ গগৈলৈ মৰণোত্তৰভাবে আগবঢ়োৱা ভীমবৰ দেউৰী বঁটা আজি আনুষ্ঠানিক ভাবে প্ৰদান কৰা হব।
গুৱাহাটীৰ দিছপুৰ প্ৰেছ ক্লাবত আয়োজিত এক বিশেষ অনুষ্ঠানত এই বঁটা প্ৰয়াত প্ৰাক্তন মুখ্যমন্ত্ৰী গৰাকীক আগবঢ়োৱা হব।
দেউৰী পিপ”লছ জাষ্টিছ ফ’ৰামে প্ৰদান কৰিব এ বঁটা।
১৯০৩ চনতৰ ১৬ মে’ত জন্মগ্ৰহণ কৰা ভীমবৰ দেউৰীয়ে অসমৰ জাতি জনগোষ্টীৰ স্বকীয় পৰিচয় ৰক্ষাৰ্থে অহোপুষাৰ্থ কৰিছিল।
১৯৩৩ চনত ট্ৰাইবেল লীগৰ সাধাৰণ সম্পাদক পদত অধিষ্ঠিত হোৱা ভীমবৰ দেউৰীয়ে সমাজৰ পিছপৰা শ্ৰেণীৰ লোকসকলৰ অধিকাৰ আৰু প্ৰাপ্যৰ বাবে সৰৱ ভূমিকা পালন কৰিছিল।
খিলঞ্জীয়া অসমীয়াক মাটিৰ পট্টা প্ৰদানকে ধৰি আন বহু বিছয়ত ভীমবৰ দেউৰীয়ে মাত মাতিছিল।
১৯৪৭ চনৰ ৩০ নৱেম্বৰত মৃত্যু বৰণ কৰা ভীমবৰ দেউৰীয়ে তদানীন্তন চৰকাৰৰ ভুল শিক্ষানীতিৰ বিৰোধিতা কৰিছিল।
খিলঞ্জীয়াৰ স্বাধীকাৰৰ হকে মাত মতা ভীমবৰ দেউৰীক প্ৰতি বছৰে ৰাজ্যবাসীয়ে স্মৰণ কৰি আহিছে।
