লাহে লাহে খোল খাইছে ৰহস্যৰ দুৱাৰ! সুশান্তক কিয় দৰৱৰ অ’ভাৰড’জ দিছিল ৰিয়াই?
সুশান্ত সিং ৰাজপুতৰ মৃত্যুৰ গোচৰৰ আৰু এক নতুন তথ্য পোহৰলৈ আহিছে। শেহতীয়া খৱৰ অনুসৰি গাৰ্লফ্ৰেণ্ড ৰিয়া চক্ৰৱৰ্তীয়ে তেওঁক নিজৰ ঘৰলৈ লৈ গৈছিল আৰু সুশান্তক দৰৱৰ অ’ভাৰড’জ দিছিল।
বিহাৰ আৰক্ষীয়ে ৰিয়া চক্ৰৱৰ্তীৰ বিৰুদ্ধে এই অভিযোগ আৰোপ কৰিছে।
বিহাৰ আৰক্ষীয়ে উচ্চতম ন্যায়ালয়ত দাখিল কৰা অভিযোগনামাত ৰিয়া আৰ তেওঁৰ পৰিয়ালৰ ওপৰত অভিযোগ আনিছে যে তেওঁলোক সকলোৱে সুশান্তৰ জীৱনলৈ একমাত্ৰ টকাৰ লোভতে আহিছিল।
বিহাৰ আৰক্ষীয়ে লগতে অভিযোগ কৰে যে ৰিয়া আৰু তেওঁৰ পৰিয়ালে সুশান্তৰ মানসিক ৰোগীৰ এখন ভুল ছবি দাঙি ধৰিছিল।
বিহাৰ আৰক্ষীৰ জ্যেষ্ঠ অধীক্ষকে উচ্চতম ন্যায়ালয় দাখিল কৰা অভিযোগনামাত কৈছে যে ৰিয়া চক্ৰৱৰ্তীয়ে সুশান্তক নিজৰ ঘৰলৈ লৈ গৈছিল আৰু তাত তেওঁ অভিনেতাগৰাকীক দৰৱৰ অ’ভাৰড’জ দিয়া আৰম্ভ কৰিছিল।
প্ৰকৃততে এই অভিযোগ আনিছিল সুশান্তৰ পিতৃ কে কে সিঙে। ইয়াৰ লগতে তেওঁ এই অভিযোগো আনিছিল যে ৰিয়াই সুশান্তৰ সৈতে কাজিয়া কৰি তেওঁৰ সকলো বয়বস্তু লৈ গৈছিল।
ইপিনে, বিহাৰ আৰক্ষীয়ে জানিবলৈ দিয়ে যে মুম্বাই আৰক্ষীৰ পৰা কোনোধৰণৰ সহায় নোপোৱা সত্তেও তেওঁলোকে এই গোচৰত কেইবাটাও দিশ বিচাৰি পাইছে যাৰ তদন্ত কৰিব পৰা যাব।