অগ্নিপথ আঁচনিঃ বিহাৰত নিৰ্বাচিত হোৱাৰ পাছতো অগ্নিবীৰে এৰিছে চাকৰি
দেশৰ সামৰিক ক্ষেত্ৰক উদ্বিগ্ন কৰিব পৰা এক খবৰ৷এক ৰাষ্ট্ৰীয় সংবাদ মাধ্যমৰ প্ৰতিবেদন অনুসৰি দেশৰ অগ্নিপথ আঁচনি ৰূপায়ণৰ পাছত ২৩ বছৰীয়া অনুপ যাদৱ নামৰ এজন যুৱকে প্ৰথম নিযুক্তি পত্ৰ লাভ কৰে। কিন্তু পৰিয়ালৰ লোকৰ পৰামৰ্শ মতে কেতিয়াও সেনাবাহিনীত যোগদান কৰা নাছিল।
স্নাতক ডিগ্ৰী লাভ কৰা অনুপে বিহাৰ আৰু ঝাৰখণ্ড আৰক্ষীত উপ পৰিদৰ্শক (এছ আই) নিযুক্তিৰ বাবে প্ৰস্তুতি চলাইছে৷বিহাৰৰ বাংকা জিলাৰ বাসিন্দা অনুপ যাদৱে নিশ্চিত কৰিছে যে অগ্নিপথ আঁচনিৰ চাকৰি তেওঁৰ প্ৰশিক্ষক আৰু আন সতীৰ্থসকলে চাকৰি নকৰো বুলি (নাম প্ৰকাশ নকৰাৰ চৰ্তত) দ্য ৱায়াৰক নিশ্চিত কৰিছে।
অনুপৰ প্ৰশিক্ষক মনু ৰঞ্জনে দ্য ৱায়াৰক কয় যে, ‘অগ্নিপথ আঁচনিৰ বাবে সেনাৰ চাকৰি এৰি যোৱা একমাত্ৰ প্ৰাৰ্থী অনুপ নহয়। নিযুক্তি পত্ৰ পোৱাৰ পাছতো অগ্নিবীৰ হ’বলৈ নোযোৱা এনে বহু প্ৰাৰ্থীয়ে এতিয়া আন ঠাইত চাকৰিৰ বাবে প্ৰস্তুতি চলাইছে।
২০২৩ চনৰ এটা সংবাদ মাধ্যমৰ প্ৰতিবেদনত উল্লেখ আছে যে অগ্নিপথ আঁচনিৰ অধীনত চাকৰি পোৱা বহু যুৱকে প্ৰশিক্ষণৰ মাজভাগত চাকৰি এৰি থৈ গৈছিল। উক্ত প্ৰতিবেদন অনুসৰি এজন সামৰিক বিষয়াই কয় যে অগ্নিবীৰৰ প্ৰথমটো বেটচত ৫০ জনতকৈ অধিক যুৱকে মাজভাগত প্ৰশিক্ষণ এৰি থৈ গৈছিল।
ৰাজ্যখনৰ সাৰণ জিলাৰ ধৰ্মপুৰা গাঁৱত প্ৰৱেশ কৰাৰ লগে লগে আমৰ বাগিচা এখনত জিৰণি লৈ থকা এজন আদবয়সীয়া লোকে কয় যে – এতিয়া সেনাবাহিনীত কোনোৱে আনন্দত যোৱা নাই বাধ্যবাধকতাৰ বাবেহে গৈছে৷
এই আদবয়সীয়া ব্যক্তিজনে সেনাবাহিনীৰ প্ৰতি গাঁৱৰ যুৱক-যুৱতীসকলৰ পৰিৱৰ্তিত মনোভাৱক লৈ মন্তব্য কৰিছিল যদিও যুৱকসকলে মন্তব্য দিবলৈ অস্বীকাৰ কৰে। তেওঁলোকে অনুভৱ কৰে যে যদি তেওঁলোকে এই বিষয়ে কথা কয় তেন্তে আৰক্ষীয়ে তেওঁলোকক প্ৰতিবাদকাৰী বুলি চিনাক্ত কৰিব পাৰে।
দ্বিতীয় কাৰণটো হ’ল অঞ্চলটোৰ ৰাজপুতসকল ভাৰতীয় জনতা পাৰ্টিৰ ভোটাৰ, গতিকে অগ্নিপথ আঁচনিৰ ওপৰত ক্ষুব্ধ হৈয়ো তেওঁলোকে বিজেপিৰ বিৰুদ্ধে মাত মাতিব নিবিচাৰে। ৰাজপুত যুৱক ৰমেশ (নাম সলনি কৰা হৈছে) য়ে কয় যে অগ্নিপথ আঁচনিখনে এই গাঁৱৰ ৮০ শতাংশ যুৱকৰ সেনাবাহিনীত যোগদানৰ উৎসাহ ধ্বংস কৰি পেলাইছে।
গাঁওবাসীয়ে কয় যে অগ্নিপথ আঁচনিৰ আগতে প্ৰতি বছৰে এই গাঁৱৰ পৰা কমেও ১০ জন লোকে সেনাবাহিনীত যোগদান কৰিছিল যদিও যোৱা দুবছৰত মাত্ৰ ৩-৪ জন লোকে সেনাবাহিনীত যোগদান কৰিছে।