মাত্ৰ ১ টকাত দুপৰীয়াৰ আহাৰ; সাংসদ গৌতম গম্ভীৰে দিল্লীত মুকলি কৰিলে দ্বিতীয়খন কেণ্টিন
বিজেপি সাংসদ তথা প্ৰাক্তন ভাৰতীয় ক্ৰিকেটাৰ গৌতম গম্ভীৰে মঙলবাৰে নতুন দিল্লীত দ্বিতীয়খন ‘জন ৰাছোই’ কেণ্টিন মুকলি কৰে।
গৌতম গম্ভীৰে পূৱ দিল্লী সমষ্টিৰ নিউ অশোক নগৰত এই কেণ্টিনখন আনুষ্ঠানিকভাৱে মুকলি কৰে।
‘জন ৰাছোই’ কেণ্টিনত মাত্ৰ ১ টকাৰ বিনিময়ত জনসাধাৰণক দুপৰীয়াৰ আহাৰ যোগান ধৰা হ’ব।
ইয়াৰ পূৰ্বে সাংসদ গৌতম গম্ভীৰে বিগত বৰ্ষৰ ডিচেম্বৰ মাহত গান্ধী নগৰ মাৰ্কেটত প্ৰথমখন ‘জন ৰাছোই’ কেণ্টিন মুকলি কৰিছিল।
উক্ত কেণ্টিনত প্ৰতিদিনে ১০০০ লোকক দুপৰীয়াৰ আহাৰ যোগান ধৰি থকা হৈছে।
‘জন ৰাছোই’ কেণ্টিনত ভাত, দাইল আৰু তৰকাৰী মাত্ৰ ১ টকাতে আগবঢ়োৱা হয়।
নিৰ্বাচনী প্ৰতিশ্ৰুতিত গৌতম গম্ভীৰে তেওঁ সাংসদ হিচাপে নিৰ্বাচিত হ’লে দিল্লীত খাদ্যৰ অভাৱত লোকে দিন কটাবলগীয়া নহ’ব বুলি উল্লেখ কৰিছিল।
উক্ত নিৰ্বাচনী প্ৰতিশ্ৰুতি পালন কৰাৰ উদ্দেশ্যে গম্ভীৰে মাত্ৰ ১ টকাত দুপৰীয়াৰ আহাৰ দিল্লীৰ জনসাধাৰণৰ বাবে ব্যৱস্থা কৰা কাৰ্য্যই সকলোৰে প্ৰশংসা লাভ কৰিছে।
উল্লেখযোগ্য যে, বিজেপিৰ সাংসদ গৌতম গম্ভীৰে সমষ্টিৰ উন্নয়নৰ হকে বিভিন্ন জনকল্যাণকামী আঁচনি গ্ৰহণ কৰি আহিছে।
বিশেষকৈ দিল্লীৰ ডাম্পিং গ্ৰাউণ্ডৰ নিষ্কাষণৰ কামো গৌতম গম্ভীৰৰ কাৰ্য্যকালতে দ্ৰুত গতিত আগবাঢ়িছে।