কৰ’না ভাইৰাছৰ লকডাউনৰ মাজতে বঙাইগাঁৱত আৰক্ষীৰ শূন্যলৈ গুলী
শনিবাৰে ৰাতিপুৱা লকডাউন চলি থকাৰ মাজতে নিউ বঙাইগাঁও অঞ্চলত নিয়ম উলংঘা কৰি সমবেত হোৱা জনতাক ছত্ৰভংগ দিয়াবলৈ আৰক্ষীয়ে শূন্যলৈ গুলী চালনা কৰে।
জানিব পৰা মতে, বঙাইগাঁও আৰক্ষীয়ে দলবদ্ধভাৱে বাহিৰলৈ কোনেও ওলাই নহাটো নিশ্চিত কৰাৰ বাবে নিউ বঙাইগাঁও জংচনৰ সমীপৰ ভাউলাগুৰি বজাৰত জনতাক ছত্ৰভংগ দিয়াবলৈ শূন্যলৈ গুলী চলায়।
শনিবাৰে ৰাতিপুৱাও বৃহৎ সংখ্যক লোকে অত্যাৱশ্যকীয় সামগ্ৰী ক্ৰয় কৰাৰ বাবে বাহিৰলৈ ওলাই অহা দেখা যায়।
তেওঁলোকে কোনো সামাজিক দূৰত্ব বজাই নৰখাকৈ নিয়ম উলংঘা কৰি দলগতভাৱে গোট খোৱা দেখা যায়।
কিছুমান কিশোৰে লগতে আৰক্ষীৰ দললৈ শিল দলিয়ায়।
ইয়াৰ প্ৰত্যুত্তৰত বঙাইগাঁও আৰক্ষীয়ে জনতাক ছত্ৰভংগ দিয়াবলৈ শূন্যলৈ গুলীয়ায়।
কৰ’না ভাইৰাছ মহামাৰীৰ আতংকৰ মাজত প্ৰধান মন্ত্ৰী নৰেন্দ্ৰ মোদীয়ে ২১ দিনৰ বাবে ৰাষ্ট্ৰজোৰা লকডাউন ঘোষণা কৰে।
অহা ১৪ এপ্ৰিলৰ মাজ নিশা ইয়াৰ অন্ত পৰিব।তেতিয়ালৈকে কৰ্তৃপক্ষই জনসাধাৰণক নিজৰ নিজৰ ঘৰত সোমাই থাকিবলৈ কঠোৰভাৱে সকীয়াই দিছে।
অৱশ্যে, কিছুমান লোকে লকডাউনৰ সময়ত চৰকাৰে বান্ধি দিয়া নিয়ম উলংঘা কৰা দেখা গৈছে।