আকৌ ৰক্তাক্ত হৈছে কাশ্মীৰ উপত্যকা। সন্ত্ৰাসবাদীৰ সৈতে হোৱা সংঘৰ্ষত নিহত হৈছে দুই ভাৰতীয় জোৱান।
যোৱা ৯ দিন ধৰি চলি আছে ‘অপাৰেচন আখল’। এই অভিযান চলাই থকাৰ অৱস্থাত এতিয়ালৈকে দুজন সেনা জোৱান ছহিদ হৈছে আৰু দহগৰাকী জোৱান আঘাতপ্ৰাপ্ত হৈছে। ইয়াৰ বিপৰীতে সেনাৰ গুলীত এটা সন্ত্ৰাসবাদী নিহত হৈছে।
জানিব পৰা মতে শ্বহীদ জোৱান দুজনৰ ভিতৰত এজন হৈছে লেন্স নাইক প্ৰীতপাল সিং আৰু চিপাহী হৰমিন্দৰ সিং।
বন্দুকৰ সংঘৰ্ষত আহত হোৱাৰ পিছত দুয়োকে ততাতৈয়াকৈ চিকিৎসালয়লৈ প্ৰেৰণ কৰা হৈছিল যদিও তেওঁলোকক ৰক্ষা কৰিব পৰা নগ’ল। আন দুজন জোৱান এতিয়াও চিকিৎসাধীন হৈ আছে।
ইয়াৰ পূৰ্বে ভাৰতীয় সেনাই ‘অপাৰেচন মহাদেৱ’ত শ্ৰীনগৰত পহলগাম আক্ৰমণৰ লগত জড়িত ৩ জন সন্ত্ৰাসবাদীকে হত্যা কৰিছে। এই সন্দৰ্ভত লোকসভাত কেন্দ্ৰীয় গৃহমন্ত্ৰী অমিত শ্বাহে এক বিবৃতি প্ৰকাশ কৰিছে।
