ৰাজ্যত পুনৰ নাও দুৰ্ঘটনা। আজি পুৱা বকোৰ সমীপৰ সোণতলীৰ নগৰবেৰাত টুলুঙা নাৱৰ পৰা মটৰচাইকেলসহ এজন যাত্ৰী নৈত পৰি যায়।
টুলুঙা নাৱেৰে নৈৰ পাৰ হওঁতেই এই দুৰ্ঘটনাটো সংঘটিত হয়। অৱশ্যে নাৱৰে দুজন যাত্ৰীয়ে তাৎক্ষণিকভাৱে লোকজনক জীৱন্তে উদ্ধাৰ কৰিবলৈ সক্ষম হয়।
মন কৰিব লগীয়া যে টুলুঙা নাওখনতে মটৰচাইকেলসহ শতাধিক লোক উঠি নৈ পাৰ হৈছিল। ফলত যাত্ৰীৰ হেঁচা-ঠেলাৰ মাজতে যাত্ৰীজন নৈখনত মটৰচাইকেলসহ পৰি যায়।
আনহাতে ঘটনা সংঘটিত হোৱাৰ পিছতে স্থানীয় ৰাইজ চৰকাৰৰ বিৰুদ্ধে উত্তেজতি হৈ পৰে।
উল্লেখযোগ্য যে ৰাজ্যৰ বিভিন্ন প্ৰান্তত প্ৰায়ে নাও দুৰ্ঘটনা সংঘটিত হৈ থকাৰ পিছতো প্ৰশাসন তথা চৰকাৰৰ গা নলৰে। বিশেষকৈ টুলুঙা নাও সমূহত বিপজ্জনকভাৱে অত্যধিক যাত্ৰী কঢ়িওৱাৰ ফলতে বিভিন্ন সময়ত নাও দুৰ্ঘটনা সংঘটিত হৈ বহু লোকে নিজৰ প্ৰাণ হেৰুৱা লগীয়া হৈছে।
