দিল্লী আৰক্ষীয়ে নিজৰ জিম্মালৈ নিছে দিল্লীৰ এখন অভিজাত বিদ্যালয়ৰ এজন পোন্ধৰ কিশোৰক।
কিশোৰ গৰাকীয়ে এগৰাকী কিশোৰী আপত্তিজনক ফ’টো চ’ছিয়েল মিডিয়াৰ জৰিয়তে ভাইৰেল কৰাৰ অভিযোগ উত্থাপিত হৈছে।
বিবিচি নিউজৰ বাতৰিৰ মতে, দিল্লীৰ এখন অভিজাত স্কুলৰ এটা শ্ৰেণীৰ শিক্ষাৰ্থী গোটৰ ইনষ্টাগ্ৰামত ‘ব’ইছ ল’কাৰ ৰুম’’ বুলি এটা প্ৰাইভেট গ্ৰুপ আছিল।
উক্ত গ্ৰুপৰ সদস্যসকলে সহপাঠী আৰু অন্য কিশোৰীসকলৰ বিনা অনুমতি তথা অজ্ঞাতে এডিট কৰা ফ’টোসমূহ শ্বেয়াৰ কৰি সেই ফ’টোত যৌন উত্তেজক, যৌন উৎপীড়নমূলক আৰু বলৎকাৰ সম্পৰ্কীয় মন্তব্য প্ৰদান কৰে।
তেনে মন্তব্যসহ ফ’টোৰ স্ক্ৰীণশ্বট মাৰি গ্ৰুপৰ সদস্যই চ’ছিয়েল মিডিয়াৰ অন্যান্য প্লেটফৰ্মত ৰাজহুৱাভাৱে ভাইৰেল কৰে।
উক্ত স্ক্ৰীণশ্বটসমূহ হোৱাটছএপ, টুইটাৰকে আদি কৰি চ’ছিয়েল মিডিয়াৰ অন্যান্য প্লেটফৰ্মত ভাইৰেল হোৱাৰ পিছতে দিল্লী আৰক্ষীৰ দৃষ্টিগোচৰ হয়।
ইতিমধ্যে এই ঘটনাটো চাইবাৰ এক্সপাৰ্ট শুভম সিঙে তদন্ত আৰম্ভ কৰিছে যদিও কোনো লোকে এই সংক্ৰান্ত আৰক্ষীৰ ওচৰত অভিযোগ দাখিল কৰা নাছিল বুলি মন্তব্য কৰে।
‘মই তদন্ত কৰিবলৈ চেষ্টা কৰি আছো, কিন্তু এতিয়ালৈকে কোনেও আনুষ্ঠানিকভাৱে অভিযোগ দাখিল কৰা নাই। আমি গ্ৰুপটোৰ সৈতে জড়িত থকাসকলক উলিয়াম। তেওঁলোকে ইতিমধ্যে উক্ত ইনষ্টাগ্ৰাম একাউন্টটো ডিলিট কৰিছে, কিন্তু স্ক্ৰীণশ্বট আৰু অন্য কিছু আহিলাৰ সহায়ত তেওঁলোক উলিয়াবলৈ সক্ষম হ’ম।’ তদন্তকাৰী চাইবাৰ স্পেচিয়েলিষ্ট সিঙে কয়।
ইতিমধ্যে সিঙে দিল্লীৰ আৰক্ষীক এই সম্পৰ্কত অৱগত কৰাৰ পিছত আৰক্ষীয়ে এজন ১৫ বছৰীয়া কিশোৰক আৰক্ষী জিম্মালৈ আনিছে।
ইয়াৰ পিছতে দিল্লী আৰক্ষীয়ে সমগ্ৰ ঘটনাৰ সন্দৰ্ভত এটা গোচৰ ৰুজু কৰি তদন্ত আৰম্ভ কৰিছে।
