বোকাখাতত হেৰ’ইন সহ এজন যুৱকক আটক; উদ্ধাৰ কন্টেইনাৰ সহ ১৩ গ্ৰাম হেৰ’ইন

আজি পুৱাতেই বোকাখাত আৰক্ষীয়ে চলোৱা এক বিশেষ অভিযানত গোলাঘাটৰ পৰা গুৱাহাটীলৈ যোৱা নামবৰ নামৰ বাছখনৰ পৰা ড্ৰাগচ সহ এজন যুৱকক আটক কৰে ৷ ধৃত যুৱকৰ নাম গৌতম বাঢ়ৈ ৷ ঘৰ নুমলীগড়ৰ ধোদাঙত ৷

ড্ৰাগচ সৰবৰাহকাৰী এই যুৱকৰ পৰা বোকাখাত আৰক্ষীয়ে এটা ড্ৰাগচৰ কঢ়িওৱা চাবোনৰ বাকচসহ ১৩ গ্ৰাম হেৰ’ইন, এটা চিৰিঞ্জ, দুটা খালী কন্টেইনাৰ আৰু দুটা আই ফোন জব্দ কৰে ৷

লগতে পঢ়ক: বিজেপিৰ কেন্দ্ৰীয় সংসদীয় বোৰ্ডৰ পৰা কিয় বাদ পৰিল নীতিন গাডকাৰী! শেহতীয়া মন্তব্যই কাল হ’ল নেকি গাডকাৰীৰ বাবে?

যুৱকজনে AS 05 C 9100 নম্বৰৰ যাত্ৰীবাহী নামবৰ নামৰ বাছখনত গোলাঘাটৰ ৰঙাজানৰ পৰা ২৬ নম্বৰ চিটত বহি গুৱাহাটীলৈ গৈ থকা অৱস্থাত বোকাখাতত আৰক্ষীয়ে ড্ৰাগচসহ আটক কৰে ৷

এক বিশেষ সুত্ৰৰ আধাৰত বোকাখাত আৰক্ষীয়ে বোকাখাত থানাৰ সন্মুখত বাছৰ পৰা ড্ৰাগচসহ আটক কৰে যুৱকজনক৷