বৃহস্পতিবাৰে বঙাইগাঁও খণ্ড প্রাৰ্থমিক স্বাস্থ্য কেন্দ্ৰৰ দুগৰাকী কৰ্মচাৰী কোভিড-১৯ পজিটিভ পোৱাৰ পিছতে বঙাইগাঁও জিলা প্ৰশাসনে স্বাস্থ্য কেন্দ্ৰটো চীল কৰি দিয়ে।
NewsLive-ৰ এক বাতৰিত প্ৰকাশ।
বৃহস্পতিবাৰে প্ৰাৰ্থমিক স্বাস্থ্য কেন্দ্ৰটোৰ দুগৰাকী সদস্য ববিতা বাচফৰ আৰু অনুপম ঠাকুৰীয়া কোভিড-১৯ত আক্ৰান্ত বুলি গ’ম পোৱাৰ পিছতে জিলাখনৰ চিকিৎসক, নাৰ্ছ আৰু তেওঁলোকৰ পৰিয়ালৰ লোককে ধৰি মূঠ ২১৩ গৰাকী লোকক বিভিন্ন হোটেলত কুৱাৰেণটাইনত ৰখা হৈছে।
আনহাতে ববিতা বাচফৰ আৰু অনুপম ঠাকুৰীয়াক ৰেনডম টেষ্টটিঙৰ সময়ত চেম্পল সংগ্ৰহ কৰাৰ পিছত হ’ম কুৱাৰেণটাইনত থাকিবলৈ কোৱা হোৱা নাছিল, বৰঞ্চ তেওঁলোকক কাম কৰি থাকিবলৈ হে কোৱা হৈছিল বুলি স্বাস্থ্য কেন্দ্ৰটোৰ একাংশ ANM কৰ্মীয়ে অভিযোগ কৰে।
খণ্ড প্রাৰ্থমিক স্বাস্থ্য কেন্দ্ৰটোৰ কৰ্তৃপক্ষৰ ফালৰ পৰা বিষয়টোত সম্পূৰ্ণ গাফিলতি কৰা হ’ল বুলি উল্লেখ কৰি ANM কৰ্মী কেইগৰাকীয়ে লগতে অভিযোগ কৰে যদিও তেওঁলোকে বিষয়টো উত্থাপন কৰিব খুজিছিল ইয়াক বিশেষ গুৰুত্ব দিয়া নহ’ল।
