ব্ৰিটিছ ৰাজপৰিয়ালত আন এক উদ্বিগ্নতাৰ খৱৰ। কৰ্কট ৰোগত আক্ৰান্ত ব্ৰিটিছ ৰাজপৰিয়ালৰ বোৱাৰী কেট মিডলটন। কিছুদিন আগতে ব্ৰিটেইনৰ ৰজা তৃতীয় চাৰ্লছৰ কৰ্কট ৰোগ ধৰা পৰাৰ খবৰ আহিছিল। তাৰ পিছত এইবাৰ খবৰ আহিল যে তেওঁৰ বোৱাৰী কেটৰ কৰ্কট ৰোগ ধৰা পৰিছে।
শেহতীয়াকৈ জানুৱাৰী মাহত তেওঁৰ এটা অস্ত্ৰোপচাৰ কৰা হৈছিল। তাৰ পিছত কিছুমান পৰীক্ষাৰ প্ৰতিবেদনত দেখা গ’ল যে ৪২ বছৰীয়া প্ৰিন্সেছ অফ ৱেলছ কেট মিডলটন কেন্সাৰ ৰোগত আক্ৰান্ত।
কেটে জনাইছে যে তেওঁ বৰ্তমান কেন্সাৰ ৰোগত আক্ৰান্ত হোৱাৰ পিছত কেমোথেৰাপি গ্ৰহণ কৰি আছে। শেহতীয়াকৈ তেওঁ গম পাইছিল যে তেওঁ কেন্সাৰত আক্ৰান্ত হৈছে।
লগতে পঢ়কঃ মস্কোৰ কনচাৰ্ট হলত বন্দুকধাৰীৰ ভয়ংকৰ আক্ৰমণ; কমেও ৬০ জন নিহত, আহত শতাধিক
যোৱা জানুৱাৰী মাহত পেটৰ অস্ত্ৰোপচাৰ কৰি কিছু পৰীক্ষা সম্পন্ন কৰিছিল। সকলো পৰীক্ষাৰ ৰিপৰ্টৰ জৰিয়তে জানিব পৰা গৈছে যে ব্ৰিটিছ ৰাজপৰিয়ালৰ বোৱাৰীজনী কৰ্কট ৰোগত আক্ৰান্ত। উল্লেখ্য যে জানুৱাৰী মাহত কেটক ২ সপ্তাহৰ বাবে চিকিৎসালয়ত ভৰ্তি কৰা হৈছিল।
কেট মিডলটনৰ কাৰ্যালয়ে জনোৱা মতে, জানুৱাৰী মাহত কৰা অস্ত্ৰোপচাৰ কেন্সাৰ সম্পৰ্কীয় নাছিল। সেইটো ঠিক আগৰে পৰা আছিল নিশ্চয়। অস্ত্ৰোপচাৰৰ পিছত কেট মিডলটনৰ কেইবাটাও পৰীক্ষা কৰা হয়। আৰু সেই পৰীক্ষাত ধৰা পৰিল বৃটিছ ৰাজবোৱাৰীৰ কৰ্কট ৰোগৰ খবৰ।
এটা ভিডিঅ’ত তেওঁ নিজেই এই কঠিন যুঁজৰ আচল সত্যতা সদৰী কৰিছে। কেটে ভিডিঅ’টোত কয়, ‘মোৰ চিকিৎসা দলে পৰামৰ্শ দিছে যে মোক প্ৰতিৰোধমূলক কেমোথেৰাপিৰ কোৰ্চ এটা গ্ৰহণ কৰা উচিত আৰু মই এতিয়া সেই চিকিৎসাৰ প্ৰাৰম্ভিক পৰ্যায়ত আছো।’
লগতে পঢ়কঃ IPL 2024: ধোনীৰ ছত্ৰছায়াত নেতৃত্বৰে ঋতুৰাজৰ সফল অভিযান; ধৰাশায়ী বিৰাট বাহিনী
ব্ৰিটিছ ৰাজবোৱাৰী কেট মিডলটনে সদায়ে অতি সাধাৰণৰ সৈতে মিলি যায়। গোটেই পৃথিৱীয়ে তেওঁৰ উৎসাহ, উদ্দীপনা ভৰা ৰূপটোৰ সৈতে পৰিচিত। কেটে এই ছ’চিয়েল মিডিয়া ভিডিঅ’টোৰ জৰিয়তে বিশ্বৰ সন্মুখত নিজৰ শাৰীৰিক অৱস্থাৰ কথা তুলি ধৰিছে। তিনিটা সন্তানৰ মাতৃ তথা ৰাজকুমাৰ উইলিয়ামৰ পত্নী কেটৰ স্বাস্থ্যৰ অৱস্থা ব্ৰিটিছ ৰাজ পৰিয়ালৰ বাবে যথেষ্ট উদ্বেগৰ বিষয়।
A message from Catherine, The Princess of Wales pic.twitter.com/5LQT1qGarK
— The Prince and Princess of Wales (@KensingtonRoyal) March 22, 2024
ভিডিঅ’টোত কেটে স্বীকাৰ কৰিছে যে এই কেন্সাৰৰ খবৰটো তেওঁৰ বাবে এক ডাঙৰ ধুমুহা। তেওঁ কয়, ‘এয়া নিশ্চয়ে এক বৃহৎ শ্বক হিচাপে আহিছে, আৰু উইলিয়ামে আমাৰ এই কম বয়সীয়া পৰিয়ালটোৰ বাবে পৰিস্থিতিৰ সৈতে যিদৰে মোকাবিলা কৰিব লাগে তাকেই কৰি আছে ।’
ইয়াৰ পূৰ্বে যোৱা ফেব্ৰুৱাৰী মাহত ৰজা চাৰ্লছ কেন্সাৰ ৰোগত আক্ৰান্ত বুলি খবৰ ওলাইছিল। ইয়াৰ বাবেই তেওঁ ৰাজকীয় কামত বিৰতি ল’বলগীয়া হৈছিল।
