কেব বিৰোধী প্ৰতিবাদ চলাই থকা অৱস্থাতে আজি শিৱসাগৰ জিলাৰ গৌৰীসাগৰত লাচিত সেনাৰ কেন্দ্ৰীয় নেতা শৃংখল চলিহাক শিৱসাগৰ আৰক্ষীয়ে আটক কৰে। বৰ্তমান গৌৰীসাগৰ থানাত ৰখা হৈছে শৃংখল চলিহাক।
উল্লেখযোগ্য যে কিছুদিন পূৰ্বে অসমীয়া ভাষাক লৈ বিতৰ্কিত মন্তব্য কৰা প্ৰদীপ দত্তৰয়ক ৰাজপথত পিতাৰ হুংকাৰ দিছিল শৃংখল চলিহাই।
আৰক্ষীয়ে আটক কৰি নিয়াৰ পিছতে গৌৰীসাগৰ থানত বীৰ লাচিত সেনাৰ বহু নেতা কৰ্মীয়ে এক উত্তপ্ত পৰিস্থিতিৰ সৃষ্টি কৰে। বৰ্তমান থানা চৌহদত তীব্ৰ উত্তেজনা অব্যাহত আছে।
আনহাতে শৃংখল চলিহাৰ খবৰ লবলৈ যোৱা সতীৰ্থ আৰু বাতৰি সংগ্ৰহ কৰিবলৈ যোৱা সাংবাদিকৰ ওপৰত আৰক্ষীয়ে লাঠী চালনা কৰাত কেইবাজনো লোকৰ লগতে দুগৰাকী সাংবাদিক আঘাতপ্ৰাপ্ত হয়।
পিছত তেওঁক শিৱসাগৰ সদৰ থানালৈ স্থানান্তৰ কৰা হয়। বৰ্তমান শিৱসাগৰ আৰক্ষী থানা চৌহদ এক যুদ্ধ সদৃশ পৰিবেশে বিৰাজ কৰিছে। সাংবাদিকক আক্ৰমণ কৰাৰ প্ৰতিবাদত শিৱসাগৰ থানা চৌহদত সাংবাদিকে প্ৰতিবাদ সাব্যস্ত কৰে।
