এদিনতে কিমান হাজাৰ কোটি দুখীয়া হ’ল মুকেশ আম্বানি?
শ্বেয়াৰ বজাৰত পতনৰ ফলত সোমবাৰে এদিনতে ৪৪ হাজাৰ কোটিতকৈয়ো অধিক টকা হেৰুৱালে ভাৰতৰ শীৰ্ষতম ধনী ব্যক্তি মুকেশ আম্বানিয়ে।
যোৱা ১১ বছৰৰ ভিতৰত শ্বেয়াৰ বজাৰত আম্বানিৰ ৰিলায়েন্স উদ্যোগৰ এইটোৱে আছিল সৰ্বাধিক পতন।
ৰিলায়েন্স ইণ্ডাষ্ট্ৰিজৰ শ্বেয়াৰ মূল্য ১৪ শতাংশ হ্ৰাস পাই দিনটোত সৰ্বনিম্ন ১০৯৫ টকা হয়গৈ।
ফলত ফ’ৰ্বছৰ ৰিয়েল টাইম হিচাপ মতে আম্বানিৰ সোমবাৰে বিয়লিলৈ সম্পত্তি হয়গৈ ৪১.৮ বিলিয়ন আমেৰিকান ডলাৰ।
তেওঁৰ মুঠ সম্পদ হ্ৰাস পায় ৫.৯ বিলিয়ন আমেৰিকান ডলাৰ।
আন্তঃৰাষ্ট্ৰীয় বজাৰত খাৰুৱা তেলৰ মূল্য কমাৰ বাবেই ৰিলায়েন্স ইণ্ডাষ্ট্ৰিজৰ বজাৰত পতন ঘটিছে।
ৰাজহুৱা খণ্ডৰ প্ৰতিষ্ঠান অ’ এন জি চিৰো শ্বেয়াৰ মূল্য তললৈ নামিছে।