চন্দ্ৰৰ মাটিতো ভূমিকম্প হয়? ইছৰোৰ চন্দ্ৰযান-৩ৰ বৈজ্ঞানিক পৰীক্ষাত কিছু চাঞ্চল্যকৰ দিশ উন্মোচিত হৈছে। ভাৰতৰ ইছৰোৰ চন্দ্ৰাভিযানৰ ‘লুনাৰ ছিছমিক এক্টিভিটি পেলোডে’ শেহতীয়াকৈ ৰেকৰ্ড কৰিছে এটা ঘটনা। ইছৰোৱে এই ঘটনাৰ কথা সদৰী কৰিছে।
ইছৰোৱে চন্দ্ৰৰ মাটিৰ ওপৰত বিভিন্ন বিষয়ৰ ওপৰত গৱেষণা কৰি আছে। চন্দ্ৰযান-৩ য়ে সেই ক্ষেত্ৰত সহায় কৰিছে। আৰু চন্দ্ৰযান-৩ য়ে বিচাৰি পোৱা বস্তুবোৰৰ ফলাফলৰ পৰাই দেখা গৈছে যে চন্দ্ৰৰ মাটিত কম্পন হোৱাৰ বিষয়টো ‘প্ৰাকৃতিক’।
তদুপৰি, ৰ’ভাৰ প্ৰজ্ঞান আৰু বাকী পেলোডৰ চন্দ্ৰ পৃষ্ঠত চলাচলৰ ফলত যি কম্পন হৈছে তাকো ৰেকৰ্ড কৰা হৈছে বুলি জানিবলৈ দিছে ইছৰ’ই।
ইছৰোৱে কয়, ‘২০২৩ চনৰ ২৬ আগষ্টত এটা পৰিঘটনা ৰেকৰ্ড কৰা হৈছিল, যিটো দেখি অনুমান হৈছে যে ই প্ৰাকৃতিক। কিন্তু ক’ৰ পৰা এইটো আহিছে তাৰ সন্ধান চলি আছে। মূলতঃ ইয়াত ইছৰোৱে, চন্দ্ৰৰ মাটিত হোৱা কম্পনৰ দিশলৈ আঙুলিয়াইছে বুলি অনুমান কৰা হৈছে।
ইপিনে, চন্দ্ৰযান-৩ লেণ্ডাৰত ‘Instrument for Lunar Seismic Activity Payload’-য়ে নিজৰ কাম কৰি আছে। ইয়াৰ সৌজন্যতে চন্দ্ৰৰ মাটিত কিছু ‘মুভমেন্ট’ ৰেকৰ্ড কৰিব পৰা গৈছে বুলি কোৱা হৈছে ।
চন্দ্ৰযান-৩ৰ ‘Instrument for Lunar Seismic Activity Payload’ৰ মিছন হৈছে চন্দ্ৰপৃষ্ঠত ক’ত স্বাভাৱিক কম্পন সংঘটিত হৈছে, কম্পনৰ প্ৰভাৱ ক’ত পৰিছে, আৰু কৃত্ৰিম পৰিঘটনা সংঘটিত হৈছে নে নাই, তাৰ সম্পূৰ্ণ ৰেকৰ্ড কৰা। ইয়াৰ উপৰিও ইছৰোৰ চন্দ্ৰ অভিযানৰ যন্ত্ৰাংশই চন্দ্ৰত উপস্থিত প্লাজমা কণিকাৰ সন্ধান অব্যাহত ৰাখিছে।
Chandrayaan-3 Mission:
In-situ Scientific ExperimentsRadio Anatomy of Moon Bound Hypersensitive Ionosphere and Atmosphere – Langmuir Probe (RAMBHA-LP) payload onboard Chandrayaan-3 Lander has made first-ever measurements of the near-surface Lunar plasma environment over the… pic.twitter.com/n8ifIEr83h
— ISRO (@isro) August 31, 2023
ইছৰোৰ চন্দ্ৰযান-৩ যোৱা ২৩ আগষ্টত চন্দ্ৰত সফলতাৰে অৱতৰণ কৰে। চন্দ্ৰৰ দক্ষিণ মেৰুত উপনীত হোৱা প্ৰথম যান হিচাপে ইছৰোৱে এই ইতিহাস গঢ়িছে। ভাৰতীয় মহাকাশ গৱেষণা সংস্থা ইছৰোৰ এই সফলতাই চন্দ্ৰ সম্পৰ্কে বহু অজ্ঞাত তথ্য উন্মোচন কৰিব বুলি আশা কৰা হৈছে।
