স্কুলীয়া ছাত্ৰীক যৌন নিৰ্যাতন চলাই গ্ৰেপ্তাৰ ধুবুৰীৰ এজন শিক্ষক

অসমৰ ধুবুৰী জিলাৰ চাপৰত এগৰাকী নাবালিকা ছোৱালীৰ টিউটৰে যৌন নিৰ্যাতনৰ অভিযোগ উত্থাপন হৈছে। শনিবাৰে চৰ্চালৈ অহা এই ঘটনাই শিক্ষক-ছাত্ৰৰ সম্পৰ্কত কালিমা সানিছে। অভিযুক্ত ব্যক্তিজন ১৯১ নং দীঘলীডোৰা প্ৰাথমিক বিদ্যালয়ৰ শিক্ষক জাহিৰুল ইছলাম বুলি জানিব পৰা গৈছে।

ঘটনাৰ পাছতে তেওঁৰ শাৰীৰিক কামনাৰ বলি হোৱা আন কেইবাজনো লোক তেওঁৰ বিৰুদ্ধে অভিযোগ উত্থাপন কৰি আগবাঢ়ি আহিল। অভিযোগ অনুসৰি ভুক্তভোগীক প্ৰলোভিত কৰি যৌন নিৰ্যাতন চলাইছিল আৰু তাৰ পাছত তেওঁ কৰা অসৎ কাম প্ৰকাশ নকৰিবলৈ ভাবুকি দিছিল। দীৰ্ঘদিন ধৰি এনেদৰে চলি থকা বুলি জানিবলৈ দিয়ে ভুক্তভোগীয়ে।

উল্লেখ্য যে, ইছলামে নিৰ্যাতন কৰা বহু ছোৱালীয়ে লাহে লাহে স্কুললৈ যোৱা বন্ধ কৰি দিলে, অভিভাৱকসকল বিমোৰত পৰি থাকিল। তেওঁলোকৰ এই কষ্টৰ কথা নাজানি কিছুমান অভিভাৱকে নিজৰ ছোৱালীক ক্লাছলৈ যাবলৈ বাধ্য কৰাইছিল।

শিশু দিৱসত এগৰাকী ছাত্ৰীক নিৰ্যাতন চলাবলৈ চেষ্টা কৰি থকাৰ সময়তে জাহিৰুলক গ্ৰেপ্তাৰ কৰা হয়। দুজন অভিভাৱকে আগবাঢ়ি আহি তেওঁৰ বিৰুদ্ধে আৰক্ষীৰ অভিযোগ দাখিল কৰাৰ পাছত এইটোও চৰ্চালৈ আহিল যে বহুতে সমাজৰ ভয়ত মনে মনে থাকিবলৈ পছন্দ কৰে। ধুবুৰী জিলাৰ চাপৰ চহৰৰ অন্তৰ্গত ছালকোছা আৰক্ষীয়ে অভিযুক্তৰ বিৰুদ্ধে POCSO আইনৰ 75/76/351(c)/(3) BNS 10 ধাৰাত এফআইআৰ ৰুজু কৰি গ্ৰেপ্তাৰ কৰে।