প্ৰায়ে স্বামী গভীৰ নিশা দেৰি কৰি ঘৰত প্ৰৱেশ কৰে। স্বামীৰ এই কাৰ্য্যই পত্নীৰ মনত সন্দেহৰ সৃষ্টি কৰিব পাৰে। সন্দেহ কৰিব পাৰে যে স্বামী বিবাহ বহিৰ্ভূত সম্পৰ্কত জড়িত হৈছে। পত্নীৰ এই মনোভাৱক কেতিয়াও নিষ্ঠুৰতা বুলি ক’ব নোৱাৰি। ছত্তীশগড় উচ্চ ন্যায়ালয়ে ৰেইনপ্ৰীত কৌৰ আৰু কুলবীৰ ছাব্ৰাৰ গোচৰত এনে মন্তব্য কৰি সংসাৰ ভাঙি যোৱাটো ৰোধ কৰিবলৈ চেষ্টা কৰে।
ন্যায়াধীশ গৌতম ভাদুৰী আৰু দীপক্কুমাৰ তিৱাৰীয়ে পৰ্যবেক্ষণ যে, এনেধৰণৰ পৰিস্থিতিত পত্নীৰ সন্দেহ মানুহৰ স্বাভাৱিক আচৰণৰ ভিতৰত পৰে।
লগতে পঢ়কঃ ধাৰাবাহিক বিস্ফোৰণত কঁপি উঠিল কোচি; ১ জন নিহত, আহত কমেও ৩০ জন
অভিযোগ মতে, প্ৰায়ে গভীৰ নিশা স্বামী ঘৰলৈ উভতি আহে। বহু সময়ত ঘূৰিয়ে নাহে। এনেকুৱাই আছিল পত্নীৰ অভিযোগ। ইয়াৰ উত্তৰত স্বামীয়ে আদালতত কয় যে তেওঁ ৰাজনৈতিক কামত জড়িত হোৱাৰ বাবে ঘৰলৈ উভতি অহাত পলম হয়। তেওঁৰ পত্নীয়ে তেওঁক বিশ্বাস নকৰে, তেওঁৰ চৰিত্ৰক লৈ প্ৰশ্ন উত্থাপন কৰে আৰু তেওঁক আক্ৰমণ কৰে।
ইয়াৰ পূৰ্বে কাজিয়াৰ বাবে পাৰিবাৰিক আদালতত বিবাহ বিচ্ছেদৰ বাবে আৱেদন কৰিছিল। সেয়া মঞ্জুৰ কৰাও হৈছে। কিন্তু এই ৰায়ক প্ৰত্যাহ্বান জনাই পত্নীয়ে উচ্চ ন্যায়ালয়ৰ কাষ চাপিছিল। তাৰেই শুনানিৰ সময়ত ছত্তীশগড় উচ্চ ন্যায়ালয়ে এই বক্তব্য আগবঢ়ায়।
এই প্ৰসংগত বিচাৰপীঠে কয় যে অভিযোগৰ ভিত্তিত স্বামী সম্পূৰ্ণ ভুল বুলি ক’ব নোৱাৰি। তেওঁ ঘৰলৈ পলমকৈ উভতি অহাৰ কাৰণ পত্নীক নজনোৱাটো অস্বাভাৱিক আচৰণৰ ভিতৰত পৰে।
লগতে পঢ়কঃইজৰাইল-হামাছৰ সংঘাতত নিহত ২৯ জন সাংবাদিক; নিৰাপত্তাৰ নিশ্চয়তা নিদিয়ে ইজৰাইলে
ইপিনে, স্বামীয়ে সন্দেহ প্ৰকাশ কৰে যে তেওঁৰ পত্নীয়ে প্ৰায়ে তেওঁৰ ভাতৃৰ বন্ধুসকলৰ সৈতে মোবাইল ফোনত কথা পাতে। এনে ক্ষেত্ৰত দোষ নিদিয়াকৈ স্বামী-স্ত্ৰীৰ মাজত পাৰস্পৰিক আস্থা থকাটো গুৰুত্বপূৰ্ণ বুলি মত প্ৰকাশ কৰে আদালতে।
