দেশৰ প্ৰথম প্ৰধান মন্ত্ৰী জৱাহৰলাল নেহৰুৰ জন্মদিনৰ দিনটো সমগ্ৰ দেশতে শিশু দিৱস হিচাপে উদযাপন কৰি অহা হৈছে।
আজি সমগ্ৰ দেশে শিশু দিৱস উদযাপন কৰাৰ সমান্তৰালভাৱে ২৮২ নং (চি) বলবলাৰ নতুন বস্তি প্ৰাথমিক বিদ্যালয়ৰ শিক্ষক-শিক্ষয়ত্ৰীসকলে দিনযোৰা কাৰ্য্যক্ৰমণিকাৰে শিশু দিৱস উদযাপন কৰে।
বিদ্যালয় খনৰ প্ৰধান শিক্ষক জোন আহমেদৰ তত্ত্বাৱধানত আৰু শিক্ষক-শিক্ষয়ত্ৰী সকলৰ সহযোগত ছাত্ৰ-ছাত্ৰী সকলৰ মাজত পণ্ডিত জৱাহৰলাল নেহৰুৰ জীৱনী সম্বলিত বহী প্ৰদান কৰাৰ লগতে কলম আৰু কাঠ পেঞ্চিল শিশু দিৱসৰ উপহাৰ হিচাবে আগবঢ়োৱা হয়।
উল্লেখযোগ্য যে, বলবলাৰ নতুনবস্তি প্ৰাথমিক বিদ্যালয়ৰ প্ৰধান শিক্ষক-শিক্ষয়ত্ৰী সকলে বিগত কেইবা বছৰ ধৰি নিজৰ ব্যক্তিগত সহাৰ্য্যৰে স্বেচ্ছাই বিদ্যালয় খনৰ শৈক্ষিক পৰিৱেশ উন্নত কৰাৰ স্বাৰ্থত বিভিন্ন সময়ত বিভিন্ন কাৰ্যসূচী গ্ৰহণ কৰি আহিছে।
আনহাতে, স্থানীয় লোকে বিদ্যালয়ৰ শিক্ষক-শিক্ষয়ত্ৰী সকলৰ প্ৰচেষ্টাৰ সলাগ লয়। অনুষ্ঠানত স্থানীয় লোকৰ উপৰি জিলা শিক্ষা বিভাগৰ কেইবাগৰাকী বিষয়া উপস্থিত থাকে।
তদুপৰি, শিশু দিৱসৰ লগত সংগতি ৰাখি ছাত্ৰ-ছাত্ৰীসকলে নৃত্য, গীতকে ধৰি বিভিন্ন কাৰ্যসূচীৰে ৰূপায়ণ কৰে।
