গুৱাহাটী উচ্চ ন্যায়ালয়ৰ ন্যায়াধীশৰ সংখ্যা বৃদ্ধিত অনুমোদন দেশৰ মুখ্য ন্যায়াধীশৰ
ভাৰতৰ মুখ্য ন্যায়াধীশে শেহতীয়াকৈ গুৱাহাটী উচ্চ ন্যায়ালয়ৰ ন্যায়াধীশৰ সংখ্যা ২৪গৰাকীৰ পৰা ৩০গৰাকীলৈ বৃদ্ধি কৰাত অনুমোদন জনাইছে। ইয়াৰে ভিতৰত ২২ জন স্থায়ী ন্যায়াধীশ আৰু ৮ জন অতিৰিক্ত ন্যায়াধীশ।
সংশোধিত ন্যায়াধীশৰ সংখ্যা বাৰ আৰু সেৱাৰ মাজত ৬৬ শতাংশ আৰু ৩৩ শতাংশ অনুপাতত বিভক্ত কৰা হ’ব। অৰ্থাৎ বাৰ আৰু সেৱাৰ ২০ জন সদস্যক ক্ৰমে নিযুক্তি দিয়া হ’ব।
এই নতুন ন্যায়াধীশৰ সংখ্যা ৬ ফেব্ৰুৱাৰী, ২০২৩-ৰ পৰা কাৰ্যকৰী হ’ব।
কেন্দ্ৰীয় আইন মন্ত্ৰী কিৰেন ৰিজিজুৱে গুৱাহাটী উচ্চ ন্যায়ালয়ৰ মুখ্য ন্যায়াধীশক এই কথা জনাই এখন পত্ৰ দিছিল।
পত্ৰখনত, ৰিজিজুৱে গুৱাহাটী উচ্চ ন্যায়ালয়ৰ মুখ্য ন্যায়াধীশক অতি সোনকালে ন্যায়াধীশসকলৰ খালী পদপূৰণৰ বাবে প্ৰস্তাৱ প্ৰেৰণ কৰিবলৈ অনুৰোধ জনাইছিল।
তেওঁ লগতে কয়, “ন্যায়ালয়ত নতুনকৈ নিযুক্তিৰ বাবে অনুসূচীত জাতি, অনুসূচীত জনজাতি, অন্যান্য পিছপৰা শ্ৰেণী, সংখ্যালঘু আৰু মহিলাসকলক প্ৰতিনিধিত্ব দিয়াৰ প্ৰয়োজনীয়তা বিবেচনা কৰা হ’ব।