সীতাজখলাৰ আন্দোলনকাৰীৰ সৈতে মন্ত্ৰী ৰিহন দৈমাৰীক আলোচনাৰ নিৰ্দেশ মুখ্য মন্ত্ৰী সোণোৱালৰ
অসমৰ এটা লাভজনক দুগ্ধ উৎপাদন সমবায় সমিতি সীতাজখলাই একেৰাহে তিনিদিন ধৰি কৰি থকা আন্দোলনৰ প্ৰতি সঁহাৰি জনালে ৰাজ্য চৰকাৰে।
মৰিগাঁও জিলাৰ সীতাজখলাৰ আন্দোলনকাৰী দুগ্ধ উৎপাদকসকলৰ লগত মন্ত্ৰী ৰিহন দৈমাৰীক আলোচনাত বহিবলৈ মুখ্য মন্ত্ৰী সৰ্বানন্দ সোণোৱালে দিয়ে।
লগতে মুখ্য মন্ত্ৰী সোণোৱালে জিলা উপায়ুক্তকো এই ক্ষেত্ৰত যথোচিত পদক্ষেপ গ্ৰহণ কৰিবৰ বাবে নিৰ্দেশ দিছে।
উল্লেখযোগ্য যে খোদ চৰকাৰেই মাধমাৰ শোধোৱাৰ অভিযোগত দুগ্ধ উৎপাদন সমবায় সমিতি সীতাজখলাই তিনিদিন ধৰি একেৰাহে প্ৰতিবাদ কৰি আহিছিল।
লাভজনক আৰু উৎকৃষ্ট দুগ্ধ উৎপাদন সমবায় সমিতিখনে ৰাষ্ট্ৰীয় দুগ্ধ উন্নয়ন পৰিষদ আৰু পূৰবী ডেইৰিৰ বিৰুদ্ধে বিভিন্ন অভিযোগ আনিছিল আৰু চৰকাৰক এইবোৰ নিৰাময় কৰিবলৈ আহ্বান জনাইছিল।
ৰাষ্ট্ৰীয় দুগ্ধ উন্নয়ন পৰিষদে সমবায় আইন উলংঘা কৰা বুলিও অভিযোগ কৰিছিল সমবায় সমিতিখনৰ বিষয়ববীয়াই। তাৰোপৰি অসমৰ দুগ্ধ উন্নয়ন পৰিষদ গুজৰাটৰ পৰা নিয়ন্ত্ৰণ হোৱাকে ধৰি কেইবাটাও অভিযোগ আনিছিল।