Petrol price hike in Guwahati: উত্তৰ-পূৰ্বাঞ্চলৰ আটাইতকৈ গুৰুত্বপূৰ্ণ তথা বৃহৎ মহানগৰী গুৱাহাটীত পেট্ৰ’লৰ দামে ১০০টকা অতিক্ৰম কৰিলে।
প্ৰথমবাৰৰ বাবে আজি গুৱাহাটীত পেট্ৰ’লৰ দামে ১০০টকাৰ সীমা অতিক্ৰম কৰিলে।
গুৱাহাটীত দেওবাৰে পেট্ৰ’ল ১০৭টকাত বিক্ৰী হোৱাৰ বিপৰীতে ডিজেল বিক্ৰী হৈছে ৯২.৫৭টকাত।
মহানগৰীৰৰ সাধাৰণ নাগৰিকৰ মাজত পেট্ৰ’ল-ডিজেলৰ এনে আকাশলংঘী মৃল্যবৃদ্ধিয়ে তীব্ৰ অসন্তুষ্টিৰ সৃষ্টি কৰিছে।
অসমত, বিশেষকৈ গুৱাহাটীত ইন্ধনৰ মূল্যবৃদ্ধিয়ে সাধাৰণ নাগৰিকৰ জীৱন যাত্ৰাত সংকটৰ সৃষ্টি কৰিছে।
ইতিমধ্যে কোভিড-১৯ অতিমাৰী সৃষ্ট পৰিস্থিতিৰ সাধাৰণ নাগৰিকৰ ওপৰত গভীৰ প্ৰভাৱ পৰাৰ পাছত পেট্ৰ’ল-ডিজেলৰ এনে আকাশলংঘী মৃল্যবৃদ্ধিয়ে ভুতৰ ওপৰত দানহ পৰাদি আকৌ জুৰুলা কৰি তুলিছে।
Also Read: Sex racket busted: যৌনতাৰ বেহা! ডিব্ৰুগড়ত দেহ ব্যৱসায় চক্ৰ উৎখাত; চাৰিজনক গ্ৰেপ্তাৰ
‘’পেট্ৰ’ল-ডিজেলৰ দাম যিদৰে বৃদ্ধি পাইছে সেইদৰে আমাৰ দৰমহা বৃদ্ধি পোৱা নাই। চৰকাৰে সাধাৰণ নাগৰিকৰ কথা চিন্তা কৰা উচিত। সাধাৰণ ৰাইজেই ইয়াৰ পৰিনাম ভূগিবলগীয়া হৈছে,’’-গুৱাহাটীৰ এটা তেল ডিপোত পেট্ৰ’ল ভৰোৱাৰ পাছতে এগৰাকী নাগৰিক ৰাজীৱ দাসে এইদৰে কয়।
আন এগৰাকী নাগৰিক দীপেন্দ্ৰ বৰগোঁহাইয়ে কয়,’’মই এগৰাকী ক্ষুদ্ৰ ব্যৱসায়ী। গণেশগুৰিত মোৰ এখন দোকান আছে। অতিমাৰী আৰম্ভ হোৱাৰে পৰা তথা লকডাউন চলি থকাৰ বাবে মোৰ ব্যৱসায় ক্ষতিগ্ৰস্ত হৈছে। বৰ্তমান আৰ্থিক অৱস্থা একেবাৰে শোচনীয়। ইন্ধনৰ এনে মূল্যবৃদ্ধিয়ে অধিক উদ্বেগৰ সৃষ্টি কৰিছে।‘’
Also Read: দেশৰ ১৩খন হাইকোৰ্টৰ নতুন মুখ্য ন্যায়াধীশ নিয়োগ; কোনে ক’ত পালে নিযুক্তি?
‘’অযথা তথাকথিত উন্নয়নমূলক আঁচনিসমূহ আৰম্ভ কৰা তথা বৃহৎ কোম্পানীক প্ৰকল্পসমূহ গতাই দিয়াৰ পৰিৱৰ্তে চৰকাৰে প্ৰথমতে সাধাৰণ লোকৰ কথা চিন্তা কৰিব লাগে। চৰকাৰে প্ৰথমতে চলি থকা সমস্যাসমূহ সমাধান কৰা উচিত। সাধাৰণ নাগৰিকৰ বিষয়ে চিন্তাই কৰা নাই,’’- আন এগৰাকী নাগৰিক বিমল বৰাই কয়।
ইপিনে, শনিবাৰেই উজনি অসমৰ ডিব্ৰুগড় আৰু লখিমপুৰ জিলাত পেট্ৰ’লৰ দামে ১০০টকা অতিক্ৰম কৰিছে।
