“কংগ্ৰেছে নষ্ট কৰিলে উত্তৰ-পূবৰ ভৱিষ্যত! মন্তব্য কৰাৰ নৈতিক অধিকাৰ নাই কংগ্ৰেছৰ”, সৰ্বানন্দ সোণোৱাল

কেন্দ্ৰীয় মন্ত্ৰী সৰ্বানন্দ সোণোৱালে সোমবাৰে কংগ্ৰেছক আক্ৰমণৰ লক্ষ্য কৰি লৈ কয় যে উত্তৰ-পূবৰ উন্নয়নৰ ক্ষেত্ৰত মাত মতাৰ কোনো নৈতিক অধিকাৰ কংগ্ৰেছৰ নাই। লগতে সোণোৱালে কয়, ‘কংগ্ৰেছেই উত্তৰ-পূবৰ ভৱিষ্যত ধ্বংস কৰিছে।

মেঘালয়ৰ শ্বিলঙত সাংবাদিকৰ সৈতে হোৱা এক সাক্ষাৎকাৰত তেওঁ প্ৰধানমন্ত্ৰী নৰেন্দ্ৰ মোডীৰ শাসন ব্যৱস্থাক প্ৰশংসা কৰি কয় যে নৰেন্দ্ৰ মোদীৰ বাবেই অঞ্চলটোৰ উন্নয়নৰ প্ৰচেষ্টা তীব্ৰতৰ হৈ পৰিছে। তেওঁ লগতে কয় যে আমি ভাগ্যৱান যে প্ৰধানমন্ত্ৰী নৰেন্দ্ৰ মোডীক পাইছো আৰু তেওঁৰ সৎ আৰু নিষ্ঠাবান প্ৰচেষ্টাৰ বাবেই – আৰু জনসাধাৰণৰ প্ৰতি তেওঁৰ মৰম আৰু আদৰৰ বাবেই উত্তৰ-পূব এতিয়া উন্নয়নৰ দিশত দ্ৰুতগতিত আগবাঢ়িছে।’

ইয়াৰ পূৰ্বে ৯ জুনত প্ৰধানমন্ত্ৰী নৰেন্দ্ৰ মোদীয়ে দৃঢ়তাৰে কয় যে তেওঁৰ ১১ বছৰৰীয়া চৰকাৰৰ অধীনত ভাৰত কেৱল দ্ৰুতগতিত বৃদ্ধি পোৱা বৃহৎ অৰ্থনীতি হোৱাই নহয়, জলবায়ু কাৰ্য্য আৰু ডিজিটেল উদ্ভাৱনৰ দৰে জৰুৰী বিষয়সমূহতো এক গুৰুত্বপূৰ্ণ বিকাশ হৈছে।

উল্লেখ্য যে মোদীয়ে সোমবাৰে তেওঁৰ তৃতীয় কাৰ্যকালৰ প্ৰথম বছৰটো সমাপ্ত কৰিছে।