“এজন মন্ত্ৰী পাগল হৈছে, কংগ্ৰেছৰ কাৰ্যকালত মন্ত্ৰী-বিধায়ক হৈ কংগ্ৰেছক ডুবাই এতিয়া বিজেপিক ডুবোৱাত লাগিছে এইসকলে”। এই মন্তব্য মৰিয়নিৰ বিধায়ক ৰূপজ্যোতি কুৰ্মীৰ।
নিযুক্তিৰ পূৰ্বে SI কেলেংকাৰী ফাদিল হোৱা ঘটনাক সৌভাগ্য আখ্যা দিয়া নাম প্ৰকাশ নকৰাকৈ অসমৰ এজন মন্ত্ৰীৰ বক্তব্যৰ প্ৰতিক্ৰিয়া প্ৰকাশ কৰিছে মৰিয়নিৰ বিধায়ক ৰূপজ্যোতি কুৰ্মীয়ে।
টীয়কৰ বনাইৰ কা আন্দোলনৰ শ্বহীদ ৰাজেন বৰুৱাৰ বাসগৃহত দেওবাৰে উপস্থিত হোৱা বিধায়ক কুৰ্মীয়ে সাংবাদিকৰ সন্মুখত নাম প্ৰকাশ নকৰাকৈ অসমৰ এজন মন্ত্ৰীৰ বক্তব্যৰ বিৰুদ্ধে, বিজেপি চৰকাৰখনৰ বিৰুদ্ধে বিস্ফোৰক মন্তব্য প্ৰদান কৰে।
অসমৰ এজন মন্ত্ৰী বলিয়া হৈছে বাবে যোগ্য প্ৰাৰ্থীক বঞ্চিত কৰি মন্ত্ৰী-বিধায়ক, বিজেপি নেতাই ধনৰ বিনিময়ত প্ৰাৰ্থী নিৰ্বাচন কৰাৰ কৌশল ৰচনা কৰাৰ পাছতো SI নিযুক্তি কেলেংকাৰী ফাদিল হোৱা ঘটনা সৌভাগ্য বুলি উল্লেখ কৰাৰ ধৃষ্টতা প্ৰদৰ্শন কৰিছে বুলি কটাক্ষ কৰে কুৰ্মীয়ে ।
নিযুক্তিৰ বাবে সাক্ষাৎকাৰ অনুষ্ঠিত কৰি নিযুক্তি প্ৰদান কৰিব নোৱাৰা বিজেপি চৰকাৰখনে নিৰ্বাচনৰ পূৰ্বে নিৱনুৱাক আঁভুৱা ভাৰি সাক্ষাৎকাৰ অনুষ্ঠিত কৰিয়ে দায়িত্ব সামৰিছে বুলি মন্তব্য কৰে মৰিয়নিৰ বিধায়ক ৰূপজ্যোতি কুৰ্মীয়ে।
