দেশত ক’ভিড-১৯ আক্ৰান্ত ৪৭৮৯ গৰাকীলৈ বৃদ্ধি, সুস্থ ৩৫২
ভাৰতত মঙলবাৰলৈকে মুঠ ৪৭৮৯গৰাকী ক’ভিড-১৯ আক্ৰান্ত চিনাক্ত হৈছে। আৰোগ্য লাভ কৰিছে ৩৫২গৰাকীয়ে।
দেশত ক’ভিড-১৯ত এতিয়ালৈকে মৃত্যু হৈছে মুঠ ১২৪ গৰাকী ৰোগীৰ।
আক্ৰান্তৰ ভিতৰত আছে ৬৬ গৰাকী বিদেশী।
অসমত যোৱা ১২ ঘণ্টাত নতুনকৈ দুজন ক’ভিড-১৯ আক্ৰান্ত চিনাক্ত হৈছে। ইয়াকে লৈ ৰাজ্যত মুঠ ক’ভিড-১৯ আক্ৰান্তৰ সংখ্যা হৈছেগৈ ২৮।
অসমৰ ২৬ গৰাকী ক’ভিড-১৯ আক্ৰান্তৰে নিজামুদ্দিনৰ জামাতৰ সম্পৰ্ক আছে।
উত্তৰ-পূবৰ মণিপুৰত দুই আৰু ত্ৰিপুৰা, অৰুণাচল প্ৰদেশ আৰু মিজোৰামত এগৰাকীকৈ ৰোগী চিনাক্ত হৈছে।
মেঘালয়, ছিকিম আৰু নাগালেণ্ডত এতিয়ালৈকে কোনো ক’ভিড-১৯ আক্ৰান্ত চিনাক্ত হোৱা নাই।
মহাৰাষ্ট্ৰত সৰ্বাধিক ৮৬৮গৰাকী আক্ৰান্ত চিনাক্ত হৈছে। তাৰ পিছতে আছে তামিল নাডু (৬২১) আৰু দিল্লী (৫৭৬)।
তেলেংগানাত ৩৬৪ গৰাকী আক্ৰান্ত চিনাক্ত হৈছে। পূৰ্বে শীৰ্ষত থকা কেৰালাত এতিয়ালৈকে চিনাক্ত ৰোগীৰ সংখ্যা ৩২৭।
দেশত যোৱা ২৪ ঘণ্টাত মুঠ ৫০৮ গৰাকী নতুন ৰোগী চিনাক্ত হৈছে। বৰ্তমান সক্ৰিয় ক’ভিড-১৯ ৰোগীৰ সংখ্যা হৈছে ৪৩১২ গৰাকী।
কেন্দ্ৰীয় স্বাস্থ্য আৰু পৰিয়াল কল্যাণ মন্ত্ৰ্যালয়ৰ তথ্য মতে যোৱা ২৪ ঘণ্টাত দেশত ১৩ গৰাকী ক’ভিড-১৯ আক্ৰান্ত মৃত্যুমুখত পৰিছে।