অপ্রতিৰোধ্য কৰণা: ৰাজ্যত ৩৩০০ৰ দিশে ক’ৰ’ণা আক্ৰান্ত, দিনটোত চিনাক্ত ২৩৫

ৰাজ্যত ৩২৮৫লৈ বৃদ্ধি পালে ক’ৰ’ণা আক্ৰান্ত ৰোগীৰ সংখ্যা।

এই মুহূৰ্তত ১৯৩গৰাকী ক’ভিড-১৯ পজিটিভৰূপে চিনাক্ত হৈছে।

আজিৰ দিনটোত ২৩৫গৰাকী লোক আক্ৰান্ত হৈছে।

টুইটাৰযোগে এই কথা উল্লেখ কৰিছে স্বাস্থ্য মন্ত্ৰী ডঃ হিমন্ত বিশ্ব শৰ্মাই।

নতুনকৈ কোন কোন জিলাৰ আক্ৰান্ত হৈছে সেই বিষয়ে জনোৱা নাই স্বাস্থ্য মন্ত্ৰীগৰাকীয়ে।

বৰ্তমান ২০২৭ গৰাকী লোক এই ক’ৰ’না ভাইৰাছত আক্ৰান্ত হৈ চিকিৎসাধীন হৈ আছে তাৰ বিপৰীতে ১২৪৯ জনক চিকিৎসালয়ৰ পৰা মুক্তি দিয়া হৈছে ৷

এতিয়ালৈ ছয়গৰাকী লোক মৃত্যু মুখত পৰিছে ৷

আজি দিনৰ ভাগত ৪২ গৰাকী লোকৰ দেহত ধৰা পৰিছিল মাৰাত্মক ক’ৰ’ণা ভাইৰাছৰ উপস্থিতি।

ইয়াৰে ১৯ গৰাকী নগাওঁ, ১৬ গৰাকী কোকৰাঝাৰ, চাৰিগৰাকী লখিমপুৰ, দুগৰাকী যোৰহাট, এগৰাকী ধেমাজিৰ আছিল।

মঙ্গলবাৰৰ দিনটোতে ২১৫ গৰাকী লোকৰ দেহত ধৰা পৰিছিল ক’ৰ’ণা ভাইৰাছৰ উপস্থিতি।