বঙাইগাঁও জিলাত নতুনকৈ ২৮ জন ব্যক্তি ক’ভিডত আক্ৰান্ত

বঙাইগাঁও জিলাত  সোমবাৰৰ দিনটোত নতুনকৈ ২৮ জন ব্যক্তি ক’ভিডত আক্ৰান্ত হৈছে ৷ আনহাতে সুস্থ হৈ উঠিছে ২৫ জনকৈ ৰোগী ৷

জিলাখনত সোমবাৰৰ দিনটোত নতুনকৈ ২৮ জন ব্যক্তি ক’ভিডত আক্ৰান্ত হোৱাত বৰ্তমান জিলাখনত সক্ৰিয় ৰোগীৰ সংখ্যা ১৩১ জন আছে  ৷

ইয়াৰ ভিতৰত ৯২ জন ইনষ্টিটিউচনেল কোৱাৰেণ্টাইনত আৰু ৩৯ জন ব্যক্তি হোম কোৱাৰেণ্টাইনত আছে ৷

জিলাখনত সোমবাৰে মুঠ ১,৯৭৬ জন ব্যক্তিৰ ক’ভিড টেষ্ট কৰা হয় ৷ জিলাখনত ১ মাৰ্চৰ পৰা ৫ জুলাই লৈ  মুঠ ক’ভিডত আক্ৰান্ত ৰোগীৰ সংখ্যা বৃদ্ধি পাই ৪০০০ জন হৈছে ৷

ইপিনে জিলাখনত ক’ৰোনাৰ সংক্ৰমণ কিছু হ্ৰাস পোৱাৰ পিছতে বজাৰে – সমাৰে বাঢ়িছে ভীৰ ৷ সেইদৰে একাংশই মাস্ক পৰিধান নকৰাও পৰিলক্ষিত হৈছে ৷