পশ্চিম বংগৰ কিংবদন্তি ক্ৰিকেটাৰ মনোজ তিৱাৰীয়ে ৩ আগষ্ট অৰ্থাৎ বৃহস্পতিবাৰে পুৱা ছচিয়েল মিডিয়াত এটা দীঘলীয়া পোষ্টৰ জৰিয়তে ক্ৰিকেটৰ পৰা বিদায় লোৱাৰ কথা ঘোষণা কৰে।
উল্লেখ্য যে, ২০১৫ চনত শেষৰখন এদিনীয়া মেচ খেলিছিল মনোজ তিৱাৰীয়ে।
মনোজ তিৱাৰীয়ে প্ৰথমে বংগৰ হৈ ঘৰুৱা ক্ৰিকেট খেলিছিল। কিন্তু বংগৰ হৈ ৰঞ্জী ট্ৰফী জয় কৰাৰ সপোন বাস্তৱায়িত নহ’ল।
২০০৮ চনত ৰাষ্ট্ৰীয় ক্ৰিকেট দলত যোগ দিছিল মনোজ তিৱাৰীয়ে। ক্ৰিকেটৰ বাহিৰেও তেওঁ ৰাজনীতিৰ প্ৰতি আগ্ৰহী। তেওঁ নিজৰ ৰাজ্যৰ এগৰাকী মন্ত্ৰী। উল্লেখ্য যে, এতিয়াৰ পৰা ক্ৰিকেটৰ জগতখনৰ পৰা আঁতৰি সম্পূৰ্ণৰূপে ৰাজনীতিত মনোনিৱেশ কৰিব মনোজ তিৱাৰীয়ে।
৩ আগষ্ট বৃহস্পতিবাৰে তেওঁ হঠাতে ছ’চিয়েল মিডিয়াত পোষ্ট কৰি অৱসৰৰ কথা ঘোষণা কৰে। তেওঁৰ আকস্মিক অৱসৰই বংগৰ ক্ৰীড়া মহলক স্তম্ভিত কৰি তুলিছে।
উল্লেখ্য যে ভাৰতৰ ৰাষ্ট্ৰীয় দলৰ হৈ ১২ খন এদিনীয়া খেল খেলিছিল মনোজ তিৱাৰীয়ে। এই ১২ খন খেলত মুঠ ২৮৭ ৰান সংগ্ৰহ কৰিছিল।
