পুৱতি নিশা ৰিহাবাৰীত ঘটিছে এক ডকাইতি কাণ্ড।
নিউ ৰাজধানী বেডিং ষ্টোৰ নামৰ ফাৰ্ণিচাৰ দোকানত ডকাইতি চলালে দুৰ্বৃত্তই।
৪০-৫০ জনীয়া দুৰ্বৃত্তই লুটিলে ফাৰ্ণিচাৰখনৰ সা-সামগ্ৰী।
বিপনীৰ গৰাকীৰ অভিযোগৰ আঙুলি-নবীন মিট্টল নামৰ বিল্ডাৰৰ বিৰুদ্ধে।
বিপনীখনৰ তিনি চাৰিগৰাকী কৰ্মীক উপৰ্যুপৰি প্ৰহাৰ কৰে ডকাইতৰ দলটোৱে।
অভিযোগ অনুসৰি নবীন মিট্টলৰ ভেৰোণীয়া গুণ্ডাই বিপনীৰ কৰ্মচাৰীক মাৰণাস্ত্ৰৰে ভয়-ভাবুকি দেখুৱাই লুটি নিয়ে নগদ ধনৰ উপৰিও সা-সামগ্ৰী।
ডকাইতৰ দলটোক বাধা দিবলৈ যোৱা বিপনীখনৰ স্বতাধিকাৰী মহম্মদ চাইমুদ্দিন আৰু নজৰ আলমকো ডকাইতৰ দলটোৱে আক্ৰমণ কৰে।
CCTV ত বন্দী হৈ ৰৈছে ডকাইতৰ দলে মাৰপিট কৰাৰ সমগ্ৰ দৃশ্য।
ইতিমধ্যে ঘটনাস্থলীত পল্টনবজাৰ আৰক্ষী উপস্থিত হৈ ঘটনা সন্দৰ্ভত তদন্ত আৰম্ভ কৰিছে।
