বিস্ফোৰণত কঁপিল কাবুল; পাকিস্তানৰ পিছত এইবাৰ আফগানিস্তানতো জেহাদীৰ লক্ষ্য চীনৰ নাগৰিক

পাকিস্তানৰ পিছত এইবাৰ তালিবান শাসিত আফগানিস্তানতো জেহাদীসকলে চীনা নাগৰিকসকলক লক্ষ্য কৰি লৈছে। হঠাতে ঘটা এক বিস্ফোৰণৰ ফলত কঁপি উঠিল কাবুলৰ চীনা অতিথিশালা। শুনা গৈছিল গুলীবৰ্ষণৰ শব্দও। আইচিছ (ISIS) জেহাদী গোটে এই আক্ৰমণ চলোৱাৰ সন্দেহ কৰা হৈছে। সোমবাৰে নিশালৈকে আক্ৰমণকাৰীসকলৰ তিনিজন নিহত হৈছে।

বাতৰি অনুসৰি, আফগানিস্তানত তালিবান ক্ষমতালৈ উভতি অহাৰ পিছত সেই দেশত চীনা ব্যৱসায়ীৰ সংখ্যা বৃদ্ধি পাইছে। যদিও চৰকাৰক স্বীকৃতি দিয়া হোৱা নাই তাত চিচেন দূতাবাস খোলা আছে। এইবাৰ সেই আফগানিস্তানতেই চীনা নাগৰিকসকলক লক্ষ্য কৰা হৈছে।

লগতে পঢ়ক: শ্বুটিং স্থলীত অঘটন: ৰাজপাল যাদৱৰ স্কুটাৰৰ খুন্দাত আহত ছাত্ৰ

কাবুলৰ লংগান হোটেলত চীনা ব্যৱসায়ীসকলৰ ভিৰ কৰে। সোমবাৰে বিয়লি হঠাতে হোৱা বিস্ফোৰণৰ ফলত আঠ মহলীয়া বগা ৰঙৰ হোটেলখন কঁপি উঠে। খিৰিকীৰ পৰা ক’লা ধোঁৱা ওলাবলা ধৰে। স্থানীয় বাসিন্দাসকলে গুলীবৰ্ষণৰ শব্দও শুনিছিল বুলি দাবী কৰিছে।

বিদেশী নাগৰিকৰ সংখ্যা বেছি হোৱাৰ বাবে হোটেলখনৰ নিৰাপত্তা অতি কঠোৰ। তথাপিও, সশস্ত্ৰ আক্ৰমণকাৰীসকলে কেনেকৈ হোটেলখনত প্ৰৱেশ কৰিছিল তাক লৈ প্ৰশ্ন উত্থাপিত হ’বলৈ ধৰিলে। অৱশ্যে, পিছত নিৰাপত্তা বাহিনীৰ হোৱা সৈতে সংঘৰ্ষত আক্ৰমণকাৰীসকলৰ তিনিজন নিহত হয়।

An explosion has taken place in Kabul where the #Chinese were living .
pic.twitter.com/4IU6KAEE23

— Abdulhaq Omeri (@AbdulhaqOmeri) December 12, 2022

উল্লেখ্য যে কৰাচী বিশ্ববিদ্যালয়ৰ চৌহদত এক আত্মঘাতী আক্ৰমণত কনফুচিয়াছ ইনষ্টিটিউটৰ মুৰব্বী আৰু আন দুজন শিক্ষক নিহত হৈছিল। তেতিয়াৰ পৰা, চীনাসকলে পাকিস্তান এৰিবলৈ লৈছিল। এইবাৰ তালিবান শাসনত পুনৰ চীনা নাগৰিকসকলক লক্ষ্য কৰা হৈছে। যিটো যথেষ্ট তাৎপৰ্যপূৰ্ণ বুলি ধাৰণা কৰা হৈছে।