দিল্লীত গৰমে ভংগ কৰিলে অভিলেখ! তাপমাত্ৰাই চুলেগৈ ৫২.৩ ডিগ্ৰী চেলচিয়াছ

ভাৰতৰ বতৰ বিজ্ঞান বিভাগৰ তথ্য অনুসৰি বুধবাৰে দিল্লীৰ উষ্ণতা ৫২.৩ ডিগ্ৰীলৈ বৃদ্ধি পাইছে৷ মুংগেশপুৰৰ বতৰ বিজ্ঞান কেন্দ্ৰই দিনৰ ২:৩০ বজাত দিয়া তথ্য অনুসৰি তাপমাত্ৰা ৫২.৩ ডিগ্ৰী চেলছিয়াছ হোৱা বুলি জানিব পৰা গৈছে।

দিল্লীয়ে বাহিৰৰ অঞ্চলৰ তিনিটা বতৰ কেন্দ্ৰত প্ৰায় ৫০ ডিগ্ৰী চেলছিয়াছ পোৱাৰ এদিন পাছতে এই উষ্ণতা বৃদ্ধিৰ তথ্য লাভ কৰিছে। শেহতীয়াকৈ মুংগেশপুৰ, নাৰেলা, আৰু নাজাফগড়ৰ বতৰ বিজ্ঞান কেন্দ্ৰৰ কাৰ্যালয়ত গৰমৰ বাতৰি পোৱা গৈছে।

বিশেষজ্ঞসকলে ৰাজস্থানৰ পৰা অহা গৰমৰ তৰংগক দিল্লীৰ অতি উত্তাপৰ মূল অৰিহণা যোগোৱা কাৰক বুলি কয়। পৰিস্থিতিৰ পৰিপ্ৰেক্ষিতত ৰাষ্ট্ৰীয় ৰাজধানীত ৰেড এলাৰ্ট জাৰি কৰা হৈছে, য’ত বাসিন্দাসকলক এই মাৰাত্মক গৰমৰ বিৰুদ্ধে সাৱধানতা অৱলম্বন কৰিবলৈ সকীয়াই দিয়া হৈছে। কৰ্তৃপক্ষই মানুহক ঘৰৰ ভিতৰতে থাকিবলৈ, হাইড্ৰেটেড হৈ থাকিবলৈ, আৰু ভিৰ সময়ত অপ্ৰয়োজনীয় ৰ’দৰ সংস্পৰ্শৰ পৰা আঁতৰি থাকিবলৈ আহ্বান জনাইছে।

দিল্লীতো নিশাৰ উষ্ণ পৰিস্থিতিৰ সৃষ্টি হৈছে, যিটো ২ জুনলৈকে চলি থাকিব বুলি আইএমডিয়ে জানিবলৈ দিয়ে।