মহাবিদ্যালয়ৰ ভিতৰতে অধ্যক্ষৰ মদৰ আদ্দা : উত্তাল প্ৰতিবাদ ছাত্ৰ-ছাত্ৰীৰ
ধেমাজি বাণিজ্য মহাবিদ্যালয়ৰ অধ্যক্ষই আন চাৰিগৰাকী ব্যক্তিৰ সৈতে মহাবিদ্যালয়ৰ চৌহদত সুৰাৰ আদ্দাৰ ভিডিঅ’ ভাইৰেল হৈ পৰাৰ পিছতেই সৃষ্টি হৈছে তীব্ৰ চাঞ্চল্যৰ।
এই ঘটনাৰ বিৰোধিতা কৰি মহাবিদ্যালয়ৰ ছাত্ৰ-ছাত্ৰীসকলে শনিবাৰে প্ৰতিবাদ সাব্যস্ত কৰে।
মহাবিদ্যালয়খনৰ শৈক্ষিক পৰিৱেশৰ পবিত্ৰতা বিঘ্নিত কৰাৰ অভিযোগ উত্থাপন কৰি মহাবিদ্যালয়খনৰ অধ্যক্ষ আৰু আন চাৰিজন ব্যক্তিয়ে মহাবিদ্যালয়ৰ চৌহদৰ ভিতৰত সুৰা সেৱন কৰা ছাত্ৰ সন্থা আৰু এবিভিপিৰ বিৰুদ্ধে প্ৰতিবাদ সাব্যস্ত কৰে।
ছাত্ৰ-ছাত্ৰীসকলে কয়, ‘কালি প্ৰায় সকলো নিউজ চেনেলতে আমাৰ কলেজ চৌহদৰ ভিতৰৰ কোঠা এটাত আমাৰ অধ্যক্ষ আৰু আন চাৰিজনক মদ সেৱন কৰা দেখা গৈছিল। আমি অধ্যক্ষৰ বিৰুদ্ধে ব্যৱস্থা লোৱাৰ দাবী জনাইছো অন্যথা আমি ক্লাছত উপস্থিত নাথাকো কিয়নো আমাৰ ছাত্ৰ-ছাত্ৰীসকলে এনেধৰণৰ কাৰ্য্যৰ দ্বাৰা কি শিকিব?”
মহাবিদ্যালয়খনৰ অধ্যক্ষৰ এই কাণ্ডৰ বিৰুদ্ধে এতিয়া সোচ্ছাৰ হৈ পৰিছে দেশৰ শৈক্ষিক তথা সচেতন মহল। মহাবিদ্যালয়ৰ চৌহদত সুৰাৰ আদ্দা চলোৱা এইজন অধ্যক্ষৰ বিৰুদ্ধে অসমৰ চৰকাৰ বা প্ৰশাসনে কি ব্যৱস্থা গ্ৰহণ কৰে সেয়া হ’ব লক্ষনীয়।