অসম আৰক্ষীয়ে দীৰ্ঘদিনীয়া তদন্তৰ অন্তত বৃহস্পতিবাৰে সন্ধিয়া তিনিচুকীয়াৰ ডিগবৈত এল পি জি সৰবৰাহৰ ৰেকেট উন্মোচন কৰে।
এঅ’ডিৰ পৰিচালিত গোপেনাৰী এলপিজি বটলিং প্লাণ্টৰ জেনেৰেল মেনেজাৰে এফআইআৰ দাখিল কৰাৰ পাছতে অপৰাধমূলক ষড়যন্ত্ৰ, প্ৰতাৰণা, চুৰি আদিৰ সৈতে জড়িত ব্যৱসায়ী মেডিনি মৰাণ (৩০)ক গ্ৰেপ্তাৰ কৰা হয়। মৰাণক তেওঁৰ বাসগৃহত আটক কৰা হয়।
আৰক্ষীৰ খবৰ অনুসৰি মৰাণৰ বাসগৃহত পৰীক্ষা কৰাৰ সময়ত ৩১২টা খালী এল পি জি চিলিণ্ডাৰ পৰিবহণ কৰাৰ উদ্দেশ্যেৰে এখন চালান ৬৮টা চিলিণ্ডাৰৰ কম হোৱা দেখা গৈছে।
