কোভিড-১৯ টেষ্টিং লেব হিচাপে ডিফু মেডিকেল কলেজলৈ আইচিএমআৰৰ স্বীকৃতি
কাৰ্বি আংলঙৰ ডিফু মেডিকেল কলেজক কোভিড-১৯ৰ টেষ্টিং লেব হিচাপে নতুন দিল্লীৰ ইণ্ডিয়ান কাউন্সিল ফৰ মেডিকেল ৰিচাৰ্ছ (আইচিএমআৰ)য়ে স্বীকৃতি প্ৰদান কৰিছে।
ইয়াৰে সৈতে ৰাজ্যখনৰ সাতোখন মেডিকেল কলেজেই কোভিড-১৯ৰ পৰীক্ষা কৰাৰ বাবে সুবিধাৰ লগতে আনুষ্ঠানিক অনুমোদনো লাভ কৰিলে।
ৰাজ্যখনৰ স্বাস্থ্য মন্ত্ৰী হিমন্ত বিশ্ব শৰ্মাই মঙলবাৰে তেওঁৰ অফিচিয়েল টুইটাৰৰ যোগে এই কথা জানিবলৈ দিয়ে।
Pleased to share that Diphu Medical College has been accredited by @ICMRDELHI as testing lab for #COVID19. With this all of Assam's 7 Medical Colleges have the capabilities & regulatory approvals for testing. This significantly strengthens our testing capacities. #AssamCares
— Himanta Biswa Sarma (@himantabiswa) June 9, 2020
স্বাস্থ্য মন্ত্ৰীগৰাকীয়ে কয় যে এইটোৱে পৰীক্ষাৰ সক্ষমতাৰ ক্ষেত্ৰত ৰাজ্যখনৰ স্বাস্থ্য বিভাগক শক্তিশালী কৰিব।
উল্লেখ্য যে অসমত সোমবাৰে নিশা নতুনকৈ ৫৯জন কোভিড-১৯ পজিটিভ ৰোগী ধৰা পৰিছে। ইয়াৰ ফলত ৰাজ্যখনত এতিয়া মুঠ ৰোগীৰ সংখ্যা হৈছে ২৮৩৫জন।
আনহাতে, ৰাজ্যখনত বৰ্তমান সক্ৰিয় কোভিড-১৯ পজিটিভ ৰোগীৰ সংখ্যা হৈছে ২,০৪৪জন।
ইয়াৰ আগেয়ে মুঠ ৭৮৪জন কোভিড-১৯ ৰোগীক সুস্থ হৈ উঠাৰ পাছত ৰাজ্যখনৰ বিভিন্ন হাস্পাতলৰ পৰা ঘৰলৈ যাৱ দিয়া হৈছে।
ৰাজ্যখনত ৫জন কোভিড-১৯ ৰোগীৰ মৃত্যু হৈছে। সোমবাৰে কাৰ্বি আংলং জিলাত কোভিড-১৯ ৰোগী এজনৰ মৃত্যু হৈছে।
অৱশ্যে, স্বাস্থ্য মন্ত্ৰী হিমন্ত বিশ্ব শৰ্মাই এতিয়াও এইটো কোভিড-১৯ৰ ফলত মৃত্যু হোৱা বুলি ঘোষণা কৰা নাই।