আপোনাৰ বেংক একাউণ্টত এনে কোনো ধন আছে নেকি যি ধনৰ উৎস সন্দৰ্ভত আপুনি কোনো পতিয়ন যোগ্য উত্তৰ দিব পৰা নাই?
যদি বেংকৰ একাউণ্টত তেনে কোনো ধন আছে তেন্তে আয় কৰ বিভাগক অতি উচ্চ হাৰত আয়কৰ প্ৰদান কৰিবলৈ সাজু থাকক।
কেৱল বেংকৰ একাউণ্টত থকা হিচাপ বিহীন ধনেই নহয়,যদি বেংকত কোনো নিৰ্ভৰযোগ্য যুক্তি দিব নোৱাৰাকৈ অত্যধিক মাত্ৰাত সোণ,ৰূপ আদিও জমা ৰখা হয় তেন্তে সেই সামগ্ৰীৰ ওপৰতো চকু পৰিছে আয়কৰ বিভাগৰ।
আয়কৰ আইনৰ ৬৯ (ক) ধাৰাৰ অধীনত যিসকল লোকে তেওঁলোকৰ বেংকত জমা ৰখা হিচাপ বিহীন ধন অথবা মূল্যৱান সামগ্ৰীৰ কোনো পতিয়নযোগ্য উৎসৰ বিষয়ে উল্লেখ কৰিব নোৱাৰে তেওঁলোকৰ তেনে ধন আৰু সম্পদক সেই বছৰটোৰ আয় হিচাবে গণ্য কৰা হ’ব আৰু ইয়াৰ বাবদ তেনে ব্যক্তিয়ে ৮৩.২৫ শতাংশ আয়কৰ প্ৰদান কৰিব লাগিব।
৮৩.২৫ শতাংশ আয়কৰৰ ভিতৰত ৬০ শতাংশ কৰ, ২৫ শতাংশ অতিৰিক্ত কৰ আৰু ৬ শতাংশ জৰিমনা হিচাবে আদায় কৰা হ’ব।
উল্লেখ্য ২০১৭ চনত বিমুদ্ৰাকৰণৰ পিছতে বহুতে হিচাপ বিহীন বহু ধন বেংকত জমা কৰিছিল।
তেনে ধনৰ বাবদ বহুতে আয়কৰো আদায় দিয়া নাই। সেইবাবেই আয়কৰ বিভাগে গ্ৰহণ কৰিছে এনে পদক্ষেপ।
