ৰাতিপুৱাৰ খাদ্য হিচাপেই হওক বা অফিচৰ টিফিনত হওক, প্ৰতিদিনে এটা বা দুটা সিজোৱা কণী খোৱাৰ অভ্যাস বহুতৰে আছে।
স্বাস্থ্যসন্মত খাদ্য হিচাপে বহু খাদ্যৰ লগতে কণী খাব পাৰি। কণী প্ৰটিনৰ এক উত্তম উৎস, গতিকে যিকোনো ৰোগত শৰীৰৰ ৰোগ প্ৰতিৰোধ ক্ষমতা বৃদ্ধি কৰিবলৈ চিকিৎসক আৰু পুষ্টিবিদসকলে কণী খোৱাৰ পৰামৰ্শ দিয়ে।
অৱশ্যে বহুতেই ৰাতি সিজাই থোৱা কণী পুৱা খায়। ৰাতিপুৱাই সিজাই অফিচলৈ লৈ অনা কণী দুপৰীয়া খায়। কিন্তু এনেকৈ সিজোৱাৰ বহু সময়ৰ পিছত কণীটো খালে স্বাস্থ্যৰ ক্ষতি হোৱাৰ সম্ভাৱনা হে বেছি।
সিজোৱা কণী ফ্ৰীজত এসপ্তাহ ভালদৰে থাকে। কিন্তু ফ্ৰীজত নথ’লে সিজোৱা কণী তিনি ঘণ্টাৰ ভিতৰত খালে ভাল। কাৰণ কণী সংৰক্ষণৰ বাবে ৪.৪ ডিগ্ৰী চেলছিয়াছৰ তলৰ উষ্ণতাৰ প্ৰয়োজন হয়। সিজোৱা কণী ফ্ৰীজত এই উষ্ণতাত থৈ দিলে কিছুদিন ভালকৈ থাকে। কিন্তু খোলাকৈ ৰাখিলে কেইটামান ঘন্টাৰ পিছতে ইয়াৰ খাদ্যগুণ নষ্ট হোৱাৰ সম্ভাৱনা থাকে। সিজোৱাৰ দীৰ্ঘসময়ৰ পিছত কণী খালে স্বাস্থ্যৰো ক্ষতি হ’ব পাৰে।
