ইংলেণ্ডৰ বাকিংহাম পেলেচৰ পিছতে বিশ্বৰ দ্বিতীয় দামী ঘৰ এন্টিলিয়া। ভাৰতৰ আটাইতকৈ ধনী ব্যক্তি মুকেশ আম্বানীৰ মালিকানাধীন এই ঘৰটো।
মুকেশ আম্বানীয়ে পত্নী, দুই পুত্ৰ, বোৱাৰী, নাতি-নাতিনী আৰু অসংখ্য গৃহ সহায়কৰ সৈতে এই ঘৰত থাকে। পৃথিৱীৰ এই অন্যতম বিলাসী ঘৰটোৰ বিদ্যুতৰ বিল কিমান আহে আপুনি জানেনে?
বৰ্তমান মুকেশ আম্বানী কেৱল ভাৰতৰেই নহয় এছিয়াৰ অন্যতম শ্ৰেষ্ঠ উদ্যোগপতি। তেওঁৰ ৰিলায়েন্স সাম্ৰাজ্য সমগ্ৰ বিশ্বতে বিয়পি আছে। প্ৰায় ৮ লাখ কোটি টকাৰ মালিক মুকেশ আম্বানী। বৰ্তমানৰ বজাৰত তেওঁৰ ‘এন্টিলিয়া’ নামৰ ঘৰটোৰ মূল্য প্ৰায় ১৫০০০ কোটি টকা। য’ত ৬০০ কৰ্মচাৰীয়ে কাম কৰে।
২৭ মহলীয়া এন্টিলিয়াত আছে তিনিটা হেলিপেড, স্পা, বলৰুম, টেৰেচ গাৰ্ডেন, ৪০ জনীয়া থিয়েটাৰ, আইচক্ৰীম পাৰ্লাৰ, ৬ মহলীয়া গাড়ী পাৰ্কিং । এই ঘৰটোত ৫০টা কোঠা আছে।
প্ৰতিদিনে সন্ধিয়া এন্টিলিয়াৰ সমগ্ৰ ভিতৰ আৰু বাহিৰৰ অংশ সুন্দৰ লাইটেৰে পোহৰাই তোলা হয়।
এন্টিলিয়াত অত্যাধুনিক সুবিধা আছে। নীতা আম্বানীৰ বাথৰুমটো উন্নত প্ৰযুক্তিৰে সজ্জিত য’ত তেওঁ বাথৰুমৰ ভিতৰৰ বতৰ, দেৱাল আৰু মজিয়াৰ দৃশ্য নিজৰ পছন্দ অনুসৰি সলনি কৰিব পাৰে। স্বাভাৱিকতে এই সকলোবোৰ সুবিধাৰ আঁৰত বিদ্যুতৰ খৰচ কম নহয়।
এন্টিলিয়াই প্ৰতিমাহে ৬৩৭.২৫০ ইউনিট বিদ্যুৎ ব্যৱহাৰ কৰে। বিদ্যুতৰ বিলৰ বাবদ আম্বানীৰ প্ৰতিমাহে ৭০ লাখ টকা খৰচ হয়। এই ধন বহু মধ্যবিত্ত লোকৰ আজীৱন সঞ্চয়তকৈও বেছি। আম্বানীয়ে এই ধনৰাশি কেৱল এমাহৰ বিদ্যুতৰ বিলত খৰচ কৰে। যদিও এই পৰিমাণৰ ধন তেওঁৰ উপাৰ্জনৰ তুলনাত তেনেই নগণ্য।
