পূৱ লাডাখৰ গালোৱান ভেলীত চীনৰ সেনাই চলোৱা আগ্ৰাসৰ তথ্য এতিয়া নাই খোদ প্ৰতিৰক্ষা দপ্তৰৰ হাততে।
কথাষাৰ বিশ্বাস কৰিবলৈ বহুতে টান পাব পাৰে যদিও প্ৰতিৰক্ষা দপ্তৰক যদি কোনোৱাই লাডাখত চীনৰ সেনাই চলোৱা অত্যাচাৰৰ বিষয়ে সোধে তেন্তে ইয়াৰ সমৰ্থনত দেশৰ প্ৰতিৰক্ষা দপ্তৰে কোনো নথিয়েই দাখিল কৰিব নোৱাৰিব।
প্ৰতিৰক্ষা দপ্তৰৰ ৱেবছাইটত দুদিন আগলৈকে লাডাখত চীনৰ সেনাই চলোৱা আগ্ৰাসনৰ তথ্য সুন্দৰ ভাৱে সংৰক্ষিত কৰি ৰখা হৈছিল যদিও এতিয়া হঠাতে ৱেবছাইটৰ পৰাই অন্তৰ্ধান হৈ পৰিছে সেই তথ্য।
কোনে কিয় প্ৰতিৰক্ষা দপ্তৰৰ ৱেবছাইটৰ পৰা সেই তথ্য হৰলুকী কৰিলে সেয়া ৰহস্যৰ বিষয় হৈ পৰিছে।
দুদিন আগলৈকে প্ৰতিৰক্ষা বিভাগৰ ৱেবছাইটত এই বুলি উল্লেখ আছিল যে ৫ মে’, ১৭-১৮ মে’ৰ ৰ ভিতৰত চীনৰ সেনাই লাডাখৰ কুংগ্ৰাম,গগ্ৰা আৰু পাংগং হ্ৰদৰ উত্তৰ পাৰে আহি থিতাপি লৈছেহি।
৬ মে’ত ভাৰতৰ সৈতে চীনৰ সেনাই আলোচনা কৰা পিছতে ১৫ মে’ত চীনৰ সেনাই ভাৰতীয় সেনাক আক্ৰমণ কৰি ২০ জন ভাৰতীয় জোৱানৰ প্ৰাণ কাঢ়ি নিয়ে।
চীনৰ সৈতে ভাৰতে কামাণ্ডাৰ পৰ্যায়ত কৰা পাঁচ লানি আলোচনাৰ তথ্যও ৱেবছাইটত সন্নিৱিষ্ট হৈ আছিল যদিও এতিয়া আৰু এই সম্পৰ্কীয় কোনো তথ্য প্ৰতিৰক্ষা বিভাগৰ ৱেবছাইটত কোনেও বিচাৰি নাপায়।
ভয়ংকৰ কথাটো হ’ল এই কাৰ্য কোনে কৰিছে সেই সন্দৰ্ভত প্ৰতিৰক্ষা দপ্তৰৰ কোনো এজন বিষয়া-কৰ্মচাৰীয়েই অৱগত নহয়।
নে দেশৰ প্ৰতিৰক্ষা দপ্তৰত সোমাইছে চীনৰ গুপ্তচৰ?
