সকলো যুৱতী-মহিলাই ব্ৰা অথাৎ বক্ষবন্ধনী পৰিধান কৰে। বক্ষযুগল বাহিৰৰ পৰা দেখনিয়াল কৰি ৰখাৰ লগতে বক্ষ দুটি যাতে লৰচৰ কৰি নাথাকে তাৰ বাবে মহিলাসকলে ব্ৰা পৰিধান কৰে।
অৱশ্যে আজিকালি বহু মহিলাই প্ৰতিবাদ স্বৰূপে আৰু নিজৰ ব্যক্তি স্বাধীনতা বজাই ৰাখি ব্ৰা পৰিধান নকৰাৰ এক আন্দোলন আৰম্ভ কৰিছে। ব্ৰা পৰিহাৰ কৰাৰ বাবে এক নাৰীবাদী শ্লোগান তথা আন্দোলন আৰম্ভ হৈছে ভাৰতকে ধৰি বিশ্বৰ বিভিন্ন দেশত। তথাপি আমাৰ সমাজত প্ৰায় সকলো নাৰীয়েই ব্ৰা পৰিধান কৰে বুলি ক’লেও ভুল কোৱা নহ’ব।
কিন্তু ব্ৰা সম্পৰ্কে স্বাস্থ্যৰ লগত জড়িত বহু প্ৰশ্ন সময়ে সময়ে উত্থাপন হোৱা দেখা যায়। বহুতেই ক’ব খোজে যে টান বক্ষবন্ধনী বা টাইট ব্ৰা পিন্ধিলে স্তন কেঞ্চাৰকে ধৰি আন কিছুমান সমস্যা উদ্ভৱ হোৱাৰ সম্ভাৱনা থাকে।
টান বক্ষবন্ধনী বা ব্ৰা সম্পৰ্কে কি কয় চিকিৎসা বিশেষজ্ঞই?
চিকিৎসা বিশেষজ্ঞ সকলে কয় যে ব্ৰা পিন্ধিলে স্তন কেন্সাৰ নহয়। ব্ৰা পৰিধান কৰাৰ বাবে স্তন কেঞ্চাৰ হোৱাৰ কোনো প্ৰমাণ এতিয়ালৈকে চিকিৎসা বিজ্ঞানী সকলে লাভ কৰা নাই।
কিন্তু টান বক্ষবন্ধনী বা ব্ৰা পৰিধান কৰিলে কিছুমান শাৰীৰিক অসুবিধাৰ সন্মুখীন হ’ব পাৰে। যাৰ বাবে যথাসম্ভৱ ঢিলা ব্ৰা পৰিধান কৰিবলৈ পৰামৰ্শ প্ৰদান কৰে চিকিৎসক সকলে।
টান ব্ৰা পিন্ধাৰ ফলত বিভিন্ন সমস্যা হ’ব পাৰে। তলত এনে কিছুমান সাম্ভাৱ্য সমস্যাৰ কথা উল্লেখ কৰা হ’ল –
- টান ব্ৰা পৰিধান কৰাৰ ফলত স্তন যুগল হেঁচা খাই থাকে। স্তন যুগলত ৰ’দ-বতাহ পৰিধান কৰিব নোৱাৰে। টান ব্ৰাৰ বাবে বক্ষযুগলত তেজ চলাচলৰ সমস্যা হ’ব পাৰে। ই জ্বলাপোৰা বা জিনজিননিৰ দৰে সমস্যাৰ সৃষ্টি কৰিব পাৰে
- অতি টান ব্ৰা পিন্ধিলে কেতিয়াবা কান্ধ আৰু পিঠিত বিষ অনুভৱ কৰিব পাৰে।
- দীৰ্ঘসময় টান বক্ষবন্ধনী পৰিধান কৰি থাকিলে মহিলাই স্তনত বিষ অনুভৱ কৰিব পাৰে।
- অতিমাত্ৰা টান ব্ৰা পৰিধান কৰাৰ ফলত লোকচক্ষুত বুকুখন দৃষ্টিকটু হৈ উঠিব পাৰে। লগতে ই শৰীৰৰ বাহ্যিক সৌন্দৰ্যত প্ৰভাৱ পেলাব পাৰে।
- টান ব্ৰা পৰিধান কৰিলে গৰমত বুকুখন ঘামিব পাৰে আৰু ইয়াত মলি জমা হ’ব পাৰে। ফলত ছালত ঘাঁ বা ৰঙা দাগৰ দৰে সমস্যাৰ সৃষ্টি হ’ব পাৰে।
- গৰমৰ দিনত অতি টান ব্ৰা পৰিধান কৰিলে খজুৱতিৰ দৰে সমস্যাই দেখা দিব পাৰে।
