সমগ্ৰ ৰাজ্যৰ লগতে কোকৰাঝাৰ চহৰতো সুধাকণ্ঠ ড° ভূপেন হাজৰিকাদেৱৰ দশম মৃত্যুবাৰ্ষিকী উদযাপন কৰা হয় ।
চহৰ খনৰ মাজমজিয়াৰ শিশু উদ্যানৰ সমীপত ৫ নৱেম্বৰৰ সন্ধিয়া কোকৰাঝাৰ শাখা সাহিত্য সভাৰ উদ্যোগত আৰু সাংস্কৃতিক সমাজ আৰু মণিকাঞ্চন মহিলা সমিতিৰ সহযোগত সুধাকণ্ঠ ড° ভূপেন হাজৰিকাদেৱৰ দশম মৃত্যুবাৰ্ষিকী উদযাপন কৰা হয় ৷
এই উপলক্ষে সুধাকন্ঠ ড° ভূপেন হাজৰিকাৰ প্ৰতিকৃতিতত মাল্যাপৰ্ণৰে শুভাৰম্ভ কৰে আমন্ত্ৰিত অতিথি হিচাৱে কোকৰাঝাৰৰ পূৱ বিধানসভা সমষ্টিৰ বিধায়ক লৰেন্স ইছলাৰীয়ে ৷
অনুষ্ঠানত মণিকাঞ্চন মহিলা সমিতিৰ তৰফৰ পৰা সমবেত সংগীত আৰু কণ কণ শিশু শিল্পীয়ে পৰিবেশন কৰে।
বহু কেইগৰাকী শিশু শিল্পীৰ লগতে আন শিল্পীয়েও সুধাকন্ঠ ড° ভূপেন হাজৰিকাৰ কালজয়ী গীতৰ ছন্দে ছন্দে নৃত্য প্ৰদৰ্শন কৰি কোকৰাঝাৰ চহৰ জীপাল কৰি তোলা পৰিলক্ষিত হয় ৷
অনুষ্ঠানত চাৰিবছৰীয়া কণমানি শিশু মৃগাক্ষী ডেকাই গোৱা সুধাকণ্ঠৰ গীতে সকলোকে আপ্লুত কৰি তোলে।
কোকৰাঝাৰ শাখা সাহিত্য সভা আৰু সাংস্কৃতিক সমাজ তথা মণিকাঞ্চন মহিলা সমিতিৰ এনে পদক্ষেপক সকলোৱে ভূয়সী প্ৰশংসা কৰিছে।
